تعالوا شوفوا شرطي على زوجي يوم الملكه وموقف ثاني حصل من أبوي

سلام يا صبيا
كيفكم

شروووط العرائس كثيره وتختلف كل وحده
حسب هي أش تشوف او إهلها وش يقولون
أنا لما كان يوم ملكتي شرطت شرط
قد سمعت ان يجوز لك تشرطينه
يعني هو جائز شرعا بس الزوج
يكون امام خيارين لا ثالث لهما
اما يوافق ويتم الزواج
او مايوافق لان يمكن هالشرط
يتعارض مع رغبته
بس اللي يوافق عليه خلاص
يكون عند وعده
والشرط هو
(( انه ما يتزوج علي أبدا ))
يعني اذا وافق خلاص ما يتزوج طول ماهو معي

ولما قالي أبوي ايش شروطك
قلت ما يتزوج علي
قال أبوي هاااه
ايش هالشرط اقول اخلصي يابنت
الرجال ينتظرون
واذا على شرطك اذا صرتي مره صالحه
وسنعه مابيتزوج عليك
وعاد كانت شروطي
اكمل دراستي
اتوظف في حال حصل وظيفه
بيت شرعي مستقل لا اسكن مع احد ولا احد يسكن معي
وابوي شرط
إمساك بمعروف او تسريح بإحسان


كان في موقف هو حلو
من ابوي بس عدلته جاتني رساله
على الخاص ونصحتني وحده امسحه
وبكتفي بسؤالي


وش رأيكم بهذا الشرط
اللي ينص في حال تزوجك
مايتزوج من اخرى
وهل سمعتوا فيه من قبل
أنا سمعته وقلت خليني
أطبقه ومامشى الوضع

قلت لزوجي لو شرطته وش رأيك
قال كان حطيتيني في موقف محرج
وبضطر أوافق