بنات أنا كتبت هالموضوع عشان كل وحده تاخذ حذرها قبل ما تجرب أي شي على وجهها او جسمها..
انا مره جربت خلطه بس مو من المنتدى......عطتني اياها وحده من البنات
تخلطين فيها 3 أشياء....ووحده من هالاشياء كريم الديرموفات
وهذا المرهم ما ينصرف في البحرين الا بوصفة طبيب
ولكني جبته من السعوديه لأن هناك نحصله بدون وصفة طبيب
وحطيت الخلطه على وجهي
حسيت بلسعه أول شي ولكني ظنيت ان هذا مفعول الخلطه
قمت من النوم ثاني يوم لقيت وجهي أحمررررر ويحكني..
قلت خوش.. هذا مفعول الخلطه!!
نفس اليوم في الليل قبل ما أنام جاني ألم شديــــــــــــد في الراس... وانا اللي عمري ما اشتكيت من الصداع
ما كنت قادره أنام من الالم..
دهنت راسي بفكس ولفيت ربطه على راسي وخذت لي حبتين وحاولت انام
ثاني يوم الصبح قمت من النوم لقيت وجهي منفوخ كأني رغيف العجيب اذا تذكرونه!!
باختصار شكلي كان مخيـــــــف
والحكه انتشرت لجسمي كاااااااامل
مع اني استعملت الخلطه على وجهي بس! وغسلت يدي من الخلطه بماي وصابون قبل ما ألمس اي شي ثاني... الا ان جسمي كان أحمر ويحكني (وجهي ورقبتي ويدي ورجولي)
المهم كلمت صديقتي وهي طبيبه جلديه... قالت لي ركضي على الطوارئ!!!!
رحت الطوارئ وبعد ألف سين وجيم
عطوني ابره وركبوا علي سيلان !!
وقالوا لي ان الصداع اللي جاني كان بسبة الخلطه
وقالوا لي ان الله رحمني لأن هذا الشي كان ممكن يأثر على الرئتين!!
رجعوني البيت وكان وجهي مازال كأنه رغيف العجيب وما كنت قادره اطلع من البيت
ثاني يوم شفت ان رغيف العجيب خف شوي، ولكن الحكه مستمره
رحت لطبيب جلديه .. واعترفت بعملتي.. طبعا سألني عن مكونات الخلطه وقلت له
أول ما سمع كلمة "ديرموفات" قال شلون جبتيه؟
فقلت له اني جبته من الخبر
عطاني محاضره طويــــــــــــــــــــله عريــــــــــــضه.. وشوية تهزيء!!!
وقال ان اللي صار كله بسبب سوء استخدام المرهم
المهم،، نهاية القصه انه حطني على مضادات واجازه مرضيه يومين
العبره يا بنات... لا تخبصون وايد بوجوهكم ...
ومو كل شي ينفع مع غيركم معناته راح ينفع معاكم
ولا تستهينون بالأدويه
zOOna @zoona
محررة
يلزم عليك تسجيل الدخول أولًا لكتابة تعليق.
قمر الربيع
•
الله يشفيكي وماتشوفي شر وفعلا" مو كل شي ينفع لغيرنا ينفع لنا البشره تختلف من وحده لوحده .
سلامتك عمري الف سلامة ليكي هههههههههههه حلوة منك رغيف عجيب والله ذكرتني بيه واايام الطفولة لمي كان وشي حلو لا حبوب و لا شئ ولاهم ولا شئ يارييييييييييييت ترجع ايام رغيف العجيب
لاحول ولاقوة الا بالله ماتشوفين شر انشاء الله......................لاحول ولاقوة الا بالله ماتشوفين شر انشاء الله......................
الحمدلله على السلامة وما تشوفين شر :27: :27:
الصفحة الأخيرة