تعالوا شوفوا شلون تغير شعري وسووا مثلي

السلام عليكم
اليوم بنات بحطلكم طريقة حلوة وسهلة للي تبي تعالج تساقط الشعر او التقص او الشعر الخفيف او اللي مايطول
الطريقة جدا سهلة بس يبيلها التزام وانا اضمنلكم النتيجة اذا التزمتوا

اول شي تسوينه تقصين اطراف الشعر المتقصفة وهذا عشان النتيجة تبين اسرع ولاتتحسفين على الشعر المقصوص لانج بتعوضينه بفترة قياسية جدا اذا التزمتي بكلامي

وبعدين ابيج تجيبين حزمة جرجير وشتلة صبار الصبار موجود بالمشاتل ورخيص جدا جدا
اذا ماتوفر اكتفي بالجرجير
تاخذين شوية جرجير ملئ ايدج وقطعه صغيرة من الصبار تاخذين منها اللب الداخلي
وتحطينهم بالخلاط مع شوية زيت من اي نوع تفضلينه ولو انه في نوع ممتاز انا استعمله حتى بروحه يعطي نتيجه بس مادري اذا يصير اكتبه هني
المهم تخلطينهم وتحطينهم على فروة الراس والشعر وتغطين الراس بقبعة نايلون وتخلينه ساعتين وتغسلين عادي
وهالعملية تتكرر 3 مرات بالاسبوع وبتشوفين النتيجة بسرعة وخلال اسبوع اذا طبقتي اللي قلته حرفيا
الزيت اللي انا استعمله موجود بالكويت والسعودية والامارات اللي تبي مكانه تدزلي رساله واقولها وين تلقاه
بس يصير تسوين الخلطة بزيت ثاني انتي تفضلينه لكن اذا تبين اللي انا استعمله دزيلي رساله واعطيج مكانه وين

واتمنى للجميع شعور طويله وكثيفة وناعمه