تعالوا شوفوا شلون كانت ولادتي

السلام عليكم يا بنات حواء

بالبداية احب ادعي لكل حامل انه يرزقها ولادة سهلة مثل ولادتي بحبيبي (مـــازن)

والله يرزق كل محرومة يارب

نبدا قصتنا

السالفة ياطويلات العمر اني كنت بينكم في المنتدى الساعه 1 صباح الاربعاء الماضي 23\8

وموعد ولادتي كان 3\9

وكنت في تجمعنا اكلم مربطة الشوش وابيها تصلح لي اندومي >>>> جوع حوامل خخخخخخخخ

وفي الجانب الاخر من المنزل كانت الغسالة تدووووووووووور ههههههههههه

طرا على بالي شي وانا في المطبخ لما طاحت عيوني على الكنز :42:

كف مريم ... ورا مانجربه دام الرحم مفتوووووووووووح عندي 2 سم

الموهم ...نقعته في موية مغلية وخليته بس ساعه وحدة وحليته بعسل طبيعي ووووووبلعتها كل ابوها مرة وحدة ...

وكملت شغلي
وارد اشغل النت وادور على كف مريم بالجوجل
وقريت انه لازم يتنقع ليلة كاملة ....افاااااااااااااا..

وانا لسا ماتحسفت الا واحس اني ابي اروح الحمام وانتو بكرامة وهالكلام الساعه 2ونص

الا واشوف ذيك الخيوط الحمرا واقول مرحبا
واقوم واشغل ونانات الاستعداد
واقلب البيت كله والمع المطبخ والحمامات واغسل باقي الملابس وانظف البيت واكوي وووو
ومدري من وين جا هالنشاط
على الساعه 5 الفجر اقوم ابو الشباب للصلاة وصليت الفجر وانا مترددة من وضعي ... وشلون الحين اصلي او لا !
واصلح الفطور ونفطر
واكيد بتسالون (وين الالم ) والله العظيم يابنات رغم هذا كله ماكان عندي الا الم خفيف والحمدلله

وجينا للجد والله الله وقت الجد
على الساعه 6 ونص قلت لابونا : ابي البحرررر
مدري وشلون جازت هالفكرة له
وطلعنا تمشينا الى الساعه 8 الصباح
ولما فكر يردنا البيت قلت له لااااااا بدري بس خلني امر بيت اهلي الحين ابي احط بنتي عندهم
ونرد عقبها للبيت وهو مصدوم ولسان حاله يقول :وش فيها ذي اكيد عندها شي

قلت له قبل لايتكلم والعبرة خانقتني: اليوم ولادة
رجالي صار كذا:icon28:
ودينا البنت
والساعه9 ونص دخلت المستشفى
ويدخلوني الانتظار حق الولادة وتجي تقيس الدكتورة المناوبة وتقولي 4سم ولاااااااااااادة النهرضة ياحلوة
ويحطولي جهاز الطلق ونبض الجنين
ولم رجعت الدكتورة قلت لها شنو باقي لي
قالت ممكن عالساعه 12 تولدي ان شاء الله
قلت لها طيب انا مواصلة ومانمت
اعطتني الكمامة وانام ياسلام
الساعه 11صحتني دكتورتي ياحبيلها
وقاست الرحم لقتني 7 سم وكلمت الممرضات وكنت احس بالالم بدا يشتد علي
وخذوني على غرفة التوليد
واعوذ بالله من هالغرفة وبرررررررردها
واعطوني الاوكسجين اشمه كل مابد الطلق معاي الين وصلت ل9 ونص
وجت الدكتورة والممرضات وبدا شغل البوش بوش
والدكتورة تساعدني وتوسع لي وقت الطلق
الين جت حزة طلعة الراس ومن بوش واحد بوش 2 بوش 3 وطلع مزوني حبيب قلبي
شفته واعطتني مخدر بعدها وخيطتني
صحيت بعدها على الساعه 1 الظهر وكل شي خالص والحمدلله

وهذي نصيحتي للبنات:
1-طالما الرحم مسكر عندك لاتبلعين شي عليك بالمشي
2-لما نقول عليك بالمشي مو يعني تهلكين عمرك بالمشي كذا مارح يكون عندك اي مجهود وقت الولادة وجسمك بيكون تعبااااااااااان
3-لما تشوفي العلامة او الماي ابدي تحركي كثير بالبيت وعليك بالحبو وجلسة القرفصاء
4- كف مريم ممتازة لمن تاكدت لديهم علامات الولادة
5- لما صليت الفجر دعيت ادعية تسهيل الولادة
6-نفذي تعليمات دكتورتك بدقة


تحياتي لكم