noni103 :

السلام عليكم، حبوبة يمكن مدخلينها بالغلط او مثل ماقالت الاخت تطهير اموال اعرف وحدة تشتغل في بنك وحطت مبلغ بالغلط في حساب ثاني وقام صاحب الحساب الثاني سحب المبلغ كله>>> معه حق ماينلام كان المبلغ كبير مو ذاكرة جم وبالاخير صارت تدفعه للبنك اقساط عشان المودع أخذه من البنك

السلام عليكم، حبوبة يمكن مدخلينها بالغلط او مثل ماقالت الاخت تطهير اموال اعرف وحدة تشتغل في...

حسبي الله العظيم :

انا ييت:) اليوم اتصلوا علي البنك وقالوا الفلوس فعلا لج نفس الاسم نفس رقم الحساب وكلموا الريال اللي مدخلهم من شركة الانصاري والبهبهاني للصرافه وقال اي الشيك مدخل باسمها واهو لها طبعا انا مااقتنعت وقالتلي تعالي شوفيه الشيك باسمج ولج قلتلها بيي وكنت اقول للوالده باخذه بصوره وبوديه للشركه عشان اكلمهم بالموضوع لاني حاسه في غلط وفعلا رحت شفت الشيك يحليلي كان لازم اصور يمه خخخخخخخخخخخخخخخخخخخخخخخخخخخخخخخخخخخخخخخ والله المبلغ يخلي السعابيل تسييييييييييييييييييييل المهم يابنات وسيدا طيران على الشركه طبعا قبلها رفضت تعطيني ورقة الشيك قالت مستند رسمي ممنوع تقدرين بس تاخذين نسخه من حسابج وتراجعين الشركه رحت للشركه شرحت الوضع قالي شنو فيها فلوس ويتلج من شخص قلتله مااعرفه قالي مايخصنا الشخص ارسلج وكل البيانات باسمج احنامجرد موصل قلت ابي اسم الشخص ومن اي شركه مرسله قالوا من قطر وهذا رقم الشركه اتصلت على الشركه مكالمه دوليه وقلت لهم السالفه وطلبت رقم الشخص وعطوني رقم اتصلت لين مليت محد يرد دارت فيني الدنيا شسوي الحين فلوس الناس عندي تدبست فيها قلت خلاص يا انا يا هالتلفون اليوم انا الا ارد فلوسهم لهم قلت ارد البيت وانا طالعه من السوق تقريبا الا اييني تلفون من البنك يقولون لي في احد متصل يبي رقمج ضروري ممكن نعطيه اياه قلت اوكي قام اتصل علي وقالي ضروري ترجعين انتي كان معاج حق في غلط في المبلغ قلت زين وكان اشوي ويترجاني خخخخخخخخ الله لا يحط احد مكانه من جد كسر خاطري لا واللي مدخل برصيدي المبلغ اشوي ويبكي رديت الشركه وقلت لهم يالله خذوا فلوسكم قالولي احنا عرفنا الغلط من منو اللي كان مفروض يحصل انه بنت مرسلتلي من قطر حواله ب مبلغ 10 دنانير و400 فلس فقط لا غيررررررررررررر اللي استلم التحويل قام بقدرة قادر حط اصفار طبعا الغلط وارد وجل من لا يسهو وهذا اللي حصل طبعا قلتله الحين شسوي عشان تاخذون فلوسكم تبيني اوقع على ورقه شي قالي لا بس تيين البنك وتودعين المبلغ لحسابنا طبعا قلتله اوكي ومشي لانه البنك قريب من الشركه ورحت هناك وقلت الموضوع كله لهم واتصلوا على الفرع اللي سوا المارجن(حطوا المبلغ في رصيد معين محجوز لي حد ماابلغهم يفكون الحجز عنه بموافقتي من اول ماييت بلغت عن المبلغ ) طبعا فتحت المبلغ وعطيتها حساب الشركه وحولت المبلغ على حساب الشركه وانتهى الموضوع على خير وحمدالله افتكيت وطبعا قام الشخص يدعيلي واستانس وايد حمدالله انا قانعه باللي عندي وصدقوني ماكنت عارفه شسوي فيها كنت كانه على راسي صخره ثقيله مو عارفه شلون اتخلص منها الامانه شي مو سهل ويت في وقت قبل المعاشات وانا اجمع دفعه قويه عشان اشتريلي جيب يعني كان ممكن اكيش الجيب من هالمبلغ و بس حمدالله الله لا يحوجنا لمال الحرام طبعا البنت اللي ارسلت مبلغ ال10 دنانير وربع اتصلت علي بعدها تستفسر عن سبب اتصالي فيها وقالت انها كانت نايمه وانا فكرتها مرسله المبلغ بالغلط وانها فلوسها طلعت الغلطه من الصرافه ومتنا ضحك من الموقف

انا ييت:) اليوم اتصلوا علي البنك وقالوا الفلوس فعلا لج نفس الاسم نفس رقم الحساب وكلموا الريال...