السلام عليكم ورحمة الله وبركاته
ومساكم الله بالخير
اليوم الله يسلمكم أهلي سافروا لـ ((قطر )) عن طريق البر وكان وقت طلعتهم
الساعة 1 الظهر
لذلك حضرت لهم مجموعة أطباق حلوة ولذيذة عشان ياكلونها بالسيارة لأن احنا
من النوع اللي مانحب أكل المحطات والمطاعم بالطريق لذلك دائماً نحضر أشياء
تكفينا لحد مانوصل للمكان المقصود ، عاد أنا قلت بتفنن اليوم وبسوي أطباق منوعه
الأطباق اللي حضرتها لأربعة أشخاص
( أمي الله يطول بعمرها ، زوجي الله يخليه لي، وأثنين من أخواني الله لايحرمني منهم)
نبدأ
ماشاءالله ولا قوة إلا بالله
البارحة قبل ما أنام جهزت ميني رول بالجبن والخيار ودخلته الثلاجة
واليوم الصبح أول شي حضرت كريم كرميل بطريقتي وحطيته بالعلب البلاستيك الصغيرة
ودخلته الثلاجة يبرد
في هذا الوقت حضرت الكيكة المالحة بطريقة الأخت/ مشاعر90
هذا الكريم كرميل بعد ماطلعته من الثلاجة وحطيت الغطاء على العلب
وكنت محضرة كاب كيك الجزر بطريقة الأخت/ كريكره بس زينته بطريقتي
وعندي حلويات صغيرة جاهزة سمسية وكاكاو بجوز الهند
وبديت احطهم بصحون الألمنيوم
وهذا شكل الصحن بعد الترتيب
حضرت رز أبيض مع صلصة الدجاج بالخضراوات
وهذا شكلهم بالصحن
زينت الصحن بالخيار والجزر والليمون والريحان
هذا شكل الصحون الأربعة قبل ما اغطيهم
أخذت خبز تركي وقطعته لأرباع
لفيت كل قطعة بقصدير