دائماً احب ارتب العاب اليهال ..
واتخلص من القطع المتكسرة .. والقطع الحادة المؤذيه ..
وابدل بطارية للالعاب اللى تحتاج بطارية ... يعنى اسوي رفرش للألعاب ..
وبعدين اخصص كل كونتينر حق نوع معين من الالعاب ..
يعنى كونتير حق الحيوانات وكونتينر حق ادوات المطبخ وكونتينر حق ادوات الطبيب .. وهكذا
بس اليوم كانت الخطه .. غيرررررررررررررر
بعد العمل المعتاد ... قلت اليوم يبالهم دششششششششششش
رحت الحمام (عزكم الله) .. وغسلت البانيو .. بماي حار ..
وصبيت ماء دافي .. ويبت الالعاب وحطيتهم في البانيو .
بس طلعت الالعاب الالكترونية والالعاب اللى بالبطارية والسوفت تويز (علشان ما يختربون من الماء)
وبديت احركهم علشان ينظفون عدل .. وخليتهم 10 دقائق ..
للتخلص من الاوساخ والجراثيم ( تعرفون اليهال كله يحطون الالعاب في حلقهم)
وبعد غسلت الكونتينرات البلاستيكية .. اللى راح ارجع فيهم الالعاب
وبعدين طلعت الالعاب ونشفتهم قطعه قطعه .. والنظافة من الايمان ..
وشوفوا شو كانت النتيجة .. اوساخ غرررررريبة !!!!!
وان شاء الله تستفيدون من تجربتى مع العاب اليهال
منقول من منتدى ثاني