شوفوا صينية الفطاير حقتي وقولوا لي رايكم اذا شفت فيه تفاعل علمتكم الطريقه
تراها سهله مره وتقدرين تسوينها قبل جية الضيوف بساعتين بس اهم شي تكون المقادير متوفره
الله الله بالردود
والله تستاهلون اعطيكم الطريقه
بالنسبه للفطائر الدائريه
اولا تجيبين خبز توست وافرديه مو مره بس يتمدد معاك شويه واقطعي بالبياله او اي شي دائري بحجم البياله عشان تكون اصغر وارتب كل شريحه راح تعطيك 4 قطع دائريه
الحشوات
الحشوه الاولى
ربيان حجم صغير تسلقينه وتحطينه في صوص كوكتيل (مايونيز + كاتشاب ) وتدهنين القطعه بالصوص وتحطين فوقه حبه او حبتين ربيان حسب حجم الحبه وذرة اعشاب مجففه اللي موجود عندك اوريجانو او زعتر او شبت اوكزبره اي شي
الحشوه الثانيه
تسلقين حبة بطاطس مع ملح وكركم وشوي زيت وتخلينه لما ينهرس بعدين اهرسيه مضبوط وحطيه في كيس الحلواني انا ما عندي استخدمت كيس عادي وقصيت الزاويه حقته بس بكيس الحلواني تطلع اشكل وتجيبي القطعه وتدهنينها بجبن سايل وتحطين البطاطس في النص على شكل ورده وايضا رشي عليه الاعشاب اللي تحبين
الحشوه الثالثه
مرتديلا بقري مرتديلا دجاج وشرايح جبن تشدر قصيها بشكل مربعات او وردات اذا عندك الة القص اللي على شكل ورده انا هنا قصيتها مربعات خليت مربع المرتديلا البقري كبيره شوي والدجاج اصغر والجبن اصغر شي وحطيتهم فوق بعض بالشكل اللي انتوا شايفين ولزقي بينهم بشوي جبن سايل وحطي في الوسط اي شي ممكن زيتون او شريحة بصل اخضر انا حطيت بصل اخضر
واجمعيهم بصينيه اذا خلصتي وحطيهم في الفرن من تحت شوي بس خمس دقايق او اقل وخلي عينك عليها لا تنتظرين تتشقر والهدف عشان يعطيها شوي قرمشه بس
وبالنسبه للفطاير الملفوفه
برضه شرايح توست قصصي اطرافها وافرديها زين مره عشان تقدرين تلفينها وحطي عليها شريحة مرتديلا بقري وشريحة جبن تشدر وشريحة مرتديلا دجاج وقطعة خس ولفيها وربطيها ببصل اخضر مقطع شرايح طويله واربطيها ثلاث ربطات بعدين قطعيها 3 قطع متساويه تكون الربطه بنص القطعه يعني كل شريحة توست راح تطلع لك 3 حبات فطاير
وبالنسبه للمربعه
اخذت طريقتها من اختنا ريشه الله يجزاها خير و برضه بالتوست جيبي شريحتين توست وقصصي اطرافهم واحشيهم بتونه تكونين حامستها ببصل وشوي بهارات ومايونيز وجبن سايل واقطعي الشريحه اربع قطع صغار وربطيهم بالبصل الاخضر
وسلامتكم والله يا بنات ان وصفها طول معي اكثر من شغلها ما تاخذ وقت ابد
اذا سويتوها علموني
تسلم ايدك يا قمررر