تعالوا شوفوا قصة طلاقى

الأسرة والمجتمع

عدت اليكم من جديد خواتى بنات حواء
زوجى طلقنى قبل عشر ايام:icon33: :icon33: :icon33: تصوروا يابنات طلقنى بدون اى كلمة او اى شئ طلقنى بعد ما تزاعلنا على خلاف تافه والله لو اقولكم تضحكون علشان طلعة حق الجمعية آآآآآآآآآآآآآآآآآآآآآآآآآآآآه شقول وشخلى لكن اللى مصبرنى ومعطينى الثبات ايمانى بالله العظيم بنات انا صار لى مع زوجى تقريبا اربع سنوات ونص ويشهد الله اننا عمرنا مازعلنا على شئ اكثر من دقايق انا احبه واهو يحبنى تصوروا اهله واهلى يقولون عيننا عليكم باردة ماشاء الله تضحكون ومستانسين ولا بينكم مشاكل ولا شئ ماشاء الله عليكم سعيدين مع ان الله ماكتب لكم اعيال تصوروا بنات من كثر ماحبيت زوجى تقبلت انه يعانى من ضعف شديد جدا فى الانجاب وشجعته وبكينا واهو يقول لاتخلينى انتى كل اللى بقالى بالدنيا وانا ابكى والمه واقول والله ما اخليك شقول يابنات دموعى الحين تتساقط على الكيبورد بنات تحملت علشانه كل شئ وتحملت علاج اطفال الانابيب والابر والتخدير سويت معاه ثلاث عمليات بس الله ماكتب وفشلوا كلهم انا اللى ذبحنى انه بعد آخر عملية وبعد مافشلت باسبوع سافر مع ربعه مع ان نفسيتى كانت تعبانة لكنه تعذر وتركنى ببيت اهلى المشكله مو اهنيه لااااااا امه واخته واخوانه المتزوجين وكل واحد بعايلتهم يطلب منه مشوار والله يابنات كانى متزوجة سايق ليش يقولون له انت اصغر واحد فينا وماعندك اعيال وزوجى لما اطلب منه مشاوير يقولى بعدين انا تعبان واللى زود حياتى فراغ معاه انه قرر انه يكمل دراسته تصوروا يابنات كنت عايشة بروحى معاه بشقة الصبح دوام والعصر لى الساعه تسع يدرس مسائى وبعدين بس يتعشى عندى بالبيت ويروح مع ربعه ومايرد الا آخر الليل ولما اقوله حرام عليك عطنى اشوى من وقتك يقول انا مضغوط من الدوام والدراسة ولازم استانس اشوى ولما اقوله طيب مافكرت فينى ياحبيبى يقول الحمدلله ماعليج قاصر عندج التلفزون والكمبيوتر وعندج اهلج ووووووووو ولما اقوله وانت يقول والله هذا قدرج انى مشغول وحاولى تشغلين وقتج والفتره الاخيرة الصراحة حسيت بحاجتى للامومة وقلت له اشرايك انسوى عمليه اطفال انابيب مرة رابعة ماتتخيلون يابنات البرود لما قال( كيفج اذا تبين تسوين العملية من افلوسج وانا الصراحة عادى عندى الاطفال اهم شئ باخذ دورة لغة علشان احصل مجموع بالثانويه) شفتوا بنات كلامه شفتوا العيب منه ولا اهو حاس باى شئ العيب منه والاخ ناسى انى تحملت معظم تكاليف العمليات الثلاث اللى قبل وكأن العيب منى مو منه شسوى كنت ابى اعيال ولما اقوله يقول انتى دفعى ماعندى فلوس!!بالفترة الخيرة صار مو مهم عنده الاطفال اهم شئ يكمل دراسته اهنيه حسيت انه انانى وصار عنده برود من ناحية الاطفال تخيلوا بنات بروحى بالشقة معظم اليوم لا انيس ولا ونيس يعنى اهلى يقولون المفروض ايعوض على حياة الوحدة ويقدر صبرى وتضحيتى معاه مو بس همه نفسه وربعه طلقنى يابنات بدون سبب مع انى تاسفت له ودقيت عليه لكن والله يابنات احس هذا مو زوجى والله احسه انسان ثانى طلقنى فجاة انا كنت عند اهلى زعلانة معاه وكنت ادز له بنفس الوقت مسج اذكره بايامنا الحلوة والا يرد على برسالة ويقول خلاص انا توى اخذت قسيمة الطلاق الله يوفقج ويرزقج والله ماصدقت معقوله زعلت معاه على سالفة طلعه يطلقنى بعدها بكم يوم وبدون مايتفاهم معاى على اى شئ ويمر ابوه على ابوى ويقول ان زوجى اعترف لابوه ان ماعنده اى امل بالانجاب حتى لو واحد بالميه ولانه يحبنى موراضى يحرمنى من العيال وابوه شيخ دين اقسم لابوى على هالشئ وقال لو ادرى ان ولدى مافيه امل ماخليته يستمر مع بنتكم كل هالسنين بنتكم ذهبة وماعندنا اغلى منها؟؟ اللى ذابحنى يابنات زوجى ليش ماكلمنى ليش ماقاللى اى شئ ليش خلانى اتعذب اهو يدرى انى احبه ومستعدة اضحى علشانه بالعيال لكن فجاة يطلقنى بدون اى مقدمات ولا شئ ليش والله يابنات دايما كان يقول انا خايف الناس يحسدونى عليج جمال واخلاق ودين وطيبه والله ماراح القى وحده نفسج وووووووشقول لكم يابنات والله يشهد انى ماابى امدح نفسى بس الشاهد الله انى ماقصرت معاه باى شئ حتى اهله شاهدين كانو حتى يقولون له انت مو كفو تاخذ وحده نفس زوجتك لكن فجاه تطلقت وبدون مادرى والله يابنات مصيبة الله لا يكتبها لبنات المسلمين معقولة فجاه يتغير زوجى على بدون اى سبب يطلقنى بدون ماكلمنى ولا سمع صوتى ولا رأيى بالموضوع وانا شريكة حياته ليش هالقسوة اهله يقولون ماشاور احد فجاه قال انا طلقت زوجتى ولما سالوه ليش قالهم اهى ماتبيني كل اهله قاموا يصيحون وامه اطردته من البيت لانه طلقنى قال انا واخوى فلان تشاورنا وقررنا الطلاق اخوه فلان اللى زوجته منبوذة من عايلتهم و تكرهنى وواللى تقول ماراح ارتاح لما تتطلق فلانة قصدها علي لانهم دايما يقارنون بينها وبينى واهل زوجى يحبونى والله بنات احس انى مظلومة والمشكلة اننى للحين احب زوجى ومو مصدقة انه طلقنى احس انى بكابوس وودى اصحى منه معقوله هنت علىزوجى بهالسهولة واهو كان ايموت فينى معقولة الحب يتحول غدر بيوم وليله معقوله
الله يسامح اللى كان السبب بطلاقى بدون سبب يارب الهمنى الصبر واجرنى خيرا فى مصيبتى واخلف لى خيرا منها تكفون بنات ادعوا لى انا بضيقة :icon33: :icon33: :icon33: :icon33: مايعلم فيها الا الله سبحانه
97
14K

يلزم عليك تسجيل الدخول أولًا لكتابة تعليق.

تسجيل دخول

& قلبي مسافر &
& قلبي مسافر &
خلاص ياحبيتي قطعتي قلبي والله مدري وش اقولك طيب اذا انتي تبينه وتحبينه لاتتنازلين عنه بسهوله حاولي تقولين لاهلك يكلمونه او انتي كلميه اتوقع يجوز لانك مازلتي في العده ووضحيله حبك له وانه ممكن يجيكم عيال لان الطب تتطور الحين وفيه امل كبير في الانجاب حاولي ياقلبي بكل الطرق ولاتقولين مااقدر كرامتي ماتسمحلي
الله يوفقك للخير انشاء الله وينولك اللي في بالك ويرجعلك زوجك ويرزقكم بالذريه الصالحه اااااااااااااااااامين
ام عبدالله1425
ام عبدالله1425
الله يهونها عليك
بس واضح ان السبب الرئيسي للطلاق انه يحبك
ومتصور انه حارمك من العيال
وفضل انه يتركك تكملي حياتك مع انسان تاني يقدر يجيب اطفال
وهذي قمة الايثار
انتي ادعي الله يختارلك الخير ويهونها عليك
وترى لسه في ايام العدة
ممكن ربي يكتبلك خلالها الحمل وترجعو لبعض
(يااااااااااارب اللهم ارزق عمة الحسن حملا وطفلا عاجلا غير اجل
انت القادر سبحانك ولا يعجزك شي
ااااااااااااااااامين)
دارييييين
دارييييين
الله يكون بعونك اختي
فعلا احس من حكايتك انه تركك لانه يخاف ان يظلمك معاه
حبيبتي هدي نفسك وحاولي تتماسكي
صلي صلاة استخاره وان شاء الله ربنا يهديكي للخير
ادعي اللهم اجرني في مصيبتي واخلفني خيرا منها
اذا شعرت اانك لازلتي تحبينه روحيلوا واتكلمي معاه في اي مكان يجمع ذكرياتكم الحلوه
اما اذا حسيتي بعد الاستخاره بتقبل الواقع
خلاص ابدأي حياتك من جديد
فالطلاق ليس النهايه فربما يكون البدايه لحياة افضل
اسال الله العظيم ان يهديكي لما يحبه ويرضاه
عطر الخزامى
عطر الخزامى
اللهم آجر اخيتي في مصيبتها واخلف عليها بخير منها
اخيتي ربما الخيرة لك في الطلاق وانتِ لا تعلمين ( وعسى أن تكرهوا شيئا ويجعل الله فيه خيرا كثيرا )
عمة الحسن كله
عمة الحسن كله
خواتى قلبى مسافر وام عبدالله حاولت معاه بكل الطرق وقلت له العيال اللى مو منك مابيهم والطب تطور وخل ايمانك بربك الكريم قوى لكن مو راضى حتى ابوى ياعمرى كسرت خاطره وحاول يكلم زوجى بالموضوع لكن زوجى قال ياعمى مافينى اى امل والموضوع انتهى انا عرضت نفسى على اكبر الدكاترة وباكثر من دولة وكلهم قالوا مستحيل عندك الانجاب شسوى اخته دقت على وقالت اخوى متغير ومو راضى يكلم احد بالموضوع وحده تعبان ومتاثر لكن مايبى يفتح الموضوع مع اى احد. قلبى مسافر ام عبدالله داريييييين وعطر الخزامى.جزاكم الله حبيباتى خير الجزاء