تعالوا شوفوا قصة ولاداتي الثلاث

مساء الخير :) يا أخواتي العضوات ......

راح أكتبلكم قصتي مع ولاداتي الثلاث لأخذ العظه والعبره وللدعاء لي وليست للشكوى من قضاء الله ,,

حملت بكري والحمدلله وبعد تسعة أشهر جبت ولد لكن كان صدره مليان مويه وجلس كم أسبوع

بالحضانه وطلع الحمدلله بالسلامه ,,,,,,,,,,,,,بعدها بسنه حملت وصاروا توئم وفرحت كثير لكن من

بداية الحمل كان معي دم خفيف واعطوني مثبتات وراح,,, بعد نهاية الشهر الرابع جاني نزيف فجأة

وكان

شديد جدا رحت للمستشفى ونوموني على ظهري وكان ينزل بلا سبب حتى أنه يمتلء السرير وقالي

الدكتور اذا ماوقف راح أسويلك عملية أشيل الاطفال وأنا رفضت بشده وبعدين أعطاني أبر لتجليط الدم

والحمدلله وقف وصار على خفيف وكنت راح أخرج على نهاية الاسبوع وكنت متشوقه أطلع عشان

ولدي لحاله عند اهلي وأبوه كان مسافر ويوم الجمعه اللي بطلع فيه أنفتح كيس المويه وصار ينزل

زي البول الله يكرمكم وشافني الدكتور قالي مافيه خروج وتحطمت من جديد :( وجلست شهر تقريبا

وطلعت والمويه ماكان له حل وبنهاية السابع جاني طلق خفيف ورحت للمستشفى وقلولي الرحم مفتوح

5 سم وكنت أبكي بحرقه الله يعلم وكنت أقول للدكتور أنه ينقذ أطفالي أهم شيء وأنا بكيفي واخذ لي

أشعه كان فيه واحد معترض من التوم ولازم عمليه وكل هذا كان زوجي مسافر ........

والحمدلله سويت العمليه وجبت بنات.. بعد الولاده بيومين توفيت وحده من البنات وصبرت وتجرعت المر

ولا بكيت واحتسبتها على الله وخرجت من المستشفى بعد أربع أيام والبنت الثانيه بالحضانه وكنت أتردد

عليها كثير وحبيتها حب عجيب وأدعيلها بالشفاء ولكن ارادة الله فوق كل شيء وراحت بنتي للي خلقها

بعد شهر من الولاده وبكيت وبكيت وبكيت لحد ماتعبت وكنت أتصبرورحت لبيتي وكان في مدينه ثانيه

وعشت أسود أيام حياتي وبعد أربع أشهر حملت وقلت الحمدلله يمكن تعويض من الله ومرت أشهر

الحمل بخير الحمدلله وجاني الطلق ورحت المشتشفى وكان مفتوح الرحم 5 سم وجت الدكتورة وفتحت

كيس الماء وكنت أبكي أقولها لالالا عشان ولدي أختنق بالمويه ومع ذلك :أصرت وفتحت الكيس

وأختنق الطفل وصار نبضه ضعيف وشالوني بسرعه للعمليات وطلعت البنت مختنقه وزرقاء

وبعد ماصحيت من البنج أقول لزوجي كيف البنت وهو ماعلمني أنها تعبانه مره وخرجت للبيت وكانت

نفسيتي تعبانه مرره وبعد 3أسابيع خرجت البنت وفرحت فيها الحمدلله لكن بعد شهرين فجأة أختنقت

وودينها للمستشفى وقالوا انها راح تعيش معوقه دماغيا وكانت الصدمه الكبرى ومع ذلك أحتسبت الاجر

وصبرت وقلت ربي يعوضني بأحسن منها وبعد شهر طلعت من المستشفى وجلسست يوم واحد عندي

وتوفيت قدام عيني واتصلت على زوجي يوديها للمستشفى وقالوا أنها توفيت أرتاحت ومع ذلك حزنت

عليها كثير وصار للدنيا مالها طعم بعد اللي صارلي وشفته والآن أنا حامل والله يعلم الخوف اللي فيني

أنه يتكرر اللي صار ونفسيتي زفت وتعبانه ولكن أحيانا أتصبر وأحاول أنسى وأرجوكم تدعولي بالطفل

السليم المعافى والله يخليلي ولدي اللي مالي الدنيا علي وآسفه على الأطاله وترى البنت والولد واحد

بس أهم شيء العافيه ولا أحد يجزع اذا جاه غير اللي يبغى وسلامتكم :)