مساء الخيرات لأحلى بنات حواء
حابه اسرد لكم حكايتي مع القيصريه
والله ان الولاده الطبيعيه اهون وأسهل من القيصريه
انا كنت اتابع بمستشفى الحرس الوطني بالرياض وكل ولاداتي فيه
يعني رووووووووووووعه وعنايه ونظافه واهتمام واطباء وطبيبات اعلى المستويات
وبأخر حمل لي كنت اراجع مراجعه عاديه بداية الثامن صار لي اسبوعين بالثامن
قالت الدكتوره نبي نسوي اشعه ونتطمن على وضع الجنين
صلحت اشعه والمفاجئه الكبرى قالت الدكتوره لازم ولاده بسرعه
انا انهبلت كيف وشلون وماخلصت التاسع !
قالت ضروري لسلامة الجنين هو المويه حوله ناقصه
ورحت قلت لزوجي وتنومت في قسم التنويم ماقبل الولاده
واسمع بلاوي الحريم اللي تخووووف وحده داخله العاشر وماولدت
والثانيه عندها مويه كثيره وربي قلق وخووووووف وارتفع ضغطي
وجات الممرضه قاست الضغط الا فوووق وقالت لازم الحين ولاده
صار لي تسمم حمل يا خواتي وماكنت اعرف بخطورة التسمم وخفت
المهم حاولوا يولدوني طبيعي ماقدرت قالوا عمليه قيصريه
وافقت بس اهم شي اطلع واقوم بالسلامه
وكانت العمليه الحمدلله سهله ابرة ظهر عطوني تخدير نصفي
وولدت جبت ولد ضعيف وحجمه صغير يمكن كيلو ونص ياقلبي عليه
نحيف مره وحطوه بالحضانه لين يكبر شوي
بس المووووووت ياخواتي بعد العمليه والله تعب وماقدر اتحرك وراسي ثقل فيه
غير طبيعي يمكن من البنج بس اسبوع تعب العمليه بعدين كل شي تمام
والحين ولدي عمره اربع سنوات ونص والحمدلله طيب بس فيه ضعف بالعضلات
قالوا الدكاتره رخاوة العضلات والحمدلله على كل حال على الفيتامينات وربكم كريم
وسلامتكم ،،
ام فيصل 9 @am_fysl_9_1
عضوة نشيطة
يلزم عليك تسجيل الدخول أولًا لكتابة تعليق.
*ياعمري*
•
الحمدلله على السلامة
الصفحة الأخيرة