بسم الله الرحمن الرحيم ..
كيفكم ياحلوات الي شافو مواضيعي والي ماشافوها :)
موضوعي الاول
موضوعي الثاني
كثير تجيني رسايل خاص يبون مساعدة بنوتات اصبروا لين تجي مشاركاتي ل 50 مشاركة لاني قبلها مراح اقدر ارد عليكم والوقت مايسعفني دايما مشغولة :07:
بس بأعطيكم حاجة تساعدكم قريتها بمدونة اجنبية ..
اليوم بنتكلم عن عشر عادات سهلة جدا جدا جدا وبشكل ما تتصورونه وبنفس الوقت مفيدة لأبعد حد وتوفر الجهد والوقت ..
يالله مابي أحمسكم على غير سنع :tongue1:
التنظيف بإستخدام الجداول
يابنات هالشي جد جد جد يساعدك ولازم تتبعيه كثير بنات يشوفون جدول ويقولون ما يناسبني او ماعجبني ووو
ياقلبي الجدول يعتمد على عدة اشياء بنعددها :
1- الشخصية ( حارة - باردة - تحب الكمال - تهتم بالخارجي قبل الداخلي - .... الخ )
2- القدرات ( الصحة - القوة - المال - الحمل - ... الخ )
3- نوع الجدول ( أساسي - مفصل - سنوي - شهري - اسبوعي - يومي - ....الخ )
4- الأولويات والأفضليات ( فيه ناس تفضل المطبخ كنقطة بداية في الغرف ووهكذا )
انتي اعتمدي على هذي النقاط شوفي شخصيتك وقدرتك وامكانياتك وايش الي تفضلينه والي يريحك تبين تشتغلين ايام الاسبوع بالويك اند و و شي راجع لك ..
بس لاتشوفين جدول غيرك وتمشين عليه وترهقين نفسك وبعدها تقولين الجداول مو حركة حلوة وتتركينها وترجعين تتخبطين بالعكس هي منظمة ومفعولها يتغير 180 درجة عكس الشغل العشوائي ..
وحلاوتنا نكون منظمين من البداية :icon30:
إتمام دفعة غسيل واحدة يومياً
اشوف كثير بنات يخلون الغسيل يوم بالاسبوع بس واحس تنضغط مررررررة يعني كل غسيل الاسبوع في يوم واحد !!
بيروح كل اليوم ف غسيل وشطف وتجفيف وبيمتلي علي المنشر واحط ع الكنب ووو ..
عودي نفسك اول ماتصحين الصباح تحطين دفعة وخلاص تنشفينها واليوم الي بعده دفعة ثانية وهكذا جربوها اسبوع بس ومراح تتركونها :cool:
لائحة المواعيد
ناخذ مواعيد مستشفيات وتطعيمات و و ونخصص لها مكان محدد مثلا انا عاجبتني فكرة ونفسي اطبقها احط لي سبورة واعلقها بمكان ونرتبها على اشهر السنة ونحط لكل شهر خانة ونكتب الموعد في كل شهر مثلا موعد الايجار مواعيد المستشفى مثلا رسوم المدرسة او المواصلات او او بتقولون مافيه شي جديد ..:tongue1:
انا اقول لكم وين الجديد بجنب هالسبورة حلو لو نعلق علبة او رف عليه صندوق ونحط كل حاجة فيها ونخليها بس مواعيد مو اي ورقة نرميها وقتها مراح يضيع شي وبيكون كل شي موجود وقت العادة :icon30:
مركز القيادة :14:
حلو اننا نخصص مكان لكل شي مهم يعني مثلا الاشياء الي ناخذهم على عجل جوالات مفاتيح شنط ورقة وقلم او الفواتير رسايل للاب والاولاد اوراق الطلبات يعني منطقة مخصصة كمركز قيادة لك في بيتك وبحيث الكل يعتمد عليها ويبحث فيها اولا يعني عجبتني فكرة لأم كل نهاية اسبوع تخصص ظرف لكل واحد من اولادها تحط فيه كل عادة اعجبتها خلال الاسبوع الماضي وكل عادة ما حبتها وزعلتها وكان كل نهاية اسبوع يركضون لهالمكان خلقت من المكان مركز قيادتها كانت وهي خارجة تكتب للاب وهكذا .. بس مو رسايل بس خلوه زي ما قلت مركزك او الرسبشن حقك .. وحلو يكون عليها تقويم بعد عشان تكمل :icon30:
رمي القمامة
عودي نفسك عزيزتي ما تنامين والا الزبالة الله يكرمك خارج البيت لانها اكيد تنبعث منها روائح ووغازات ضارة وغير ان بسم الله الرحمن الرحيم يتغذون منها فالأفضل تنامي وانتي مرتاحة .. تخيلي نفسك صاحية الصباح الزبالة فل يبي لها رمي كيف نفسيتك وتخيلي العكس صاحية وهي فاضية ونظيفة وريحتها تمام التمام :)
الإلتقاط اليومي
خصصي عزيزتي في نهاية كل يوم وقبل ما تنامين ربع ساعه مثلا لبيتك الحبيب وابدأي مهمة الالتقاط الي هي :
1- كل شيء يعود لغرفته المخصصة .
2- رمي القمامة والاوراق .
3- التقاط كل شيء عن الارض .
4- وضع الاشياء الي تحتاج ترتيب معين في درج الخردوات (( بنشرحها ف الاخير ))
كذا بتصحي الصباح كل شي في غغرفته بس مهمتك ترتبينها وعلى طول تبدأين تنظيف حتى النفسية بتصير اوكي وخصوصا انك ماراح تضطرين تدخلين وتخرجين من الغرفة كل شوي عشان ترجعين كل حاجة لغرفتها :ohplease:
تنظيف المطبخ تماما قبل النوم
لك بس تتخيلين واكيد كل وحدة مرت بحالة انها تصحى والمطبخ نظيف تماما او تصحى والمطبخ متراكم وكل وحدة عارفه ايش تأثير هالشي على نفسها صح فيها اشياء كثير نعملها قبل النوم ويمكن تكون مرهقة ونقول ليش مانخليها في الصباح بس الفرق بالليل ان عندك قابلية للعمل ونفس بالمعنى الاصح عكس اول ما تصحين اذا شفتيها كذا بتجلسين وتفطرين وتهملينها لآخر لحظة لأن ببساطة انسدت نفسك وكرهتي التنظيف :(
عساكم ماتمرون بهالحالة :tongue1:
تخلصي من كل شيء لا تريدينه
كلمة يمكن احتاجه بعدين احذفيها من قاموسك وكل ماصادفتي حاجة لها اكثر من 6 شهور مو مستخدمة ارميها بس احنا نتكلم عن الشيء اليومي يعني مثلا لعبة انكسرت ارميها مو شرط تحتفظي فيها عشان ولدك او بنتك اذا انكسرت اكيد يا بتكون حادة او خرج منها شيء يضر طفلك وكذلك الكاسات والفناجيل كثير اشوف ناس يحتفظون فيها الراس من فوق مكسر ورايح فيها وصحون متكسر طرفها وصياني و و و واعتقد مافيه بيت يخلو منها ويابنات احنا في زمن كثرت فيه الامراض وما ندري اي مكونات كل حاجة من جوا انتي تأذين نفسك كذا قبل ما تستفيدين :(
افعلي شيء واحد يومياً
كيف طيب مثلا عندك غرفة النوم محتاجة شغل عميق وكل يوم تأجلينه ترى مو شرط يابنات تضغطون انفسكم وتخلصون كل شي بيوم واحد لو تاخذين الغرفة شهر عادي اهم شي تريحين نفسك وراحتك وصحتك قبل كل شي فنجي الحين للغرفة اخذي اليوم مثلا الدولاب حق التنانير وخلصيهم واليوم الي بعده الفساتين والي بعده بيجامات وبعدها درج واحد من دروج التسريحة وهكذا كذا بيخف عنك شغل كثير وانتي مابذلتي مجهود يذكر :)
خصصي درج للخردوات
ايش يعني مثلا جاك ضيوف او قبل ما تنامي نظفتي سريع وفيه اشياء ماعندك وقت ترجعيها مكانها لا تحشرينها ف درج مخصص لشي ثاني لااااا اكبر غلط لان الحوسة بتنقلب حوستين الافضل تخصصين دولاب للحوسة هذي ووقت العجلة ترمين فيه اي شي قدامك بطاريات اقلام اوارق ايييي شي وتخصصين يوم ف الاسبوع تفرغين هالدرج وتشيكين عليه ومع الوقت بيصير مكانك المفضل تدورين فيه قبل اي مكان ثاني :pinklove2
انا حاطة ع تسريحة غرفتي صندوق صغير ومرتب اي شي ارميه ع السريع احطه فيه ساعه دبلة حلق اي شي واعتقد تعانون من هالشي وتدورون هذا وين اختفى :tongue1:
هالفكرة جدا جميلة يابنات لا تتأخرون بتنفيذها وحلو لو تخصصين لكل غرفة صندوق خردوات خاص فيه
بكذا انتهت العشر العادات الي لو اكتسبناها بنحصل على بيت نظيف بإذن الله وتصحين على راحة وطمأنينة وتبدأين شغلك بدون كركبة مو شرط الامثلة الي ذكرتها هي بس الي تتطبق ممكن تطبقينها على اي شي بس انا ذكرت هالامثلة عشان اوصل لكم الفكرة الي ف بالي ..
بالمرفقات راح تلاقون الجداول معبأة وبعضها فارغ لكم حرية الكتابة عليها كلها من مواقع اجنبية حتى تصميمها انا مجرد طمست الكلام الانجليزي وحطيت عربي جدا جميلة جداولهم ومنظمة :)
أسأل الله ان يعيذني واياكم من العجز والكسل والخوف والجبن والهرم .. وأسال الله ان يرزقني واياكم راحة في اجسادنا وصفاء في عقولنا ونقاءا في قلوبنا .. وأسال الله ان يجملنا في اعين ازواجنا و ذرياتنا ولا يحرمنا اجر تعبنا واهتمامنا .. وأسال الله وأسألكم به ان تدعوا بشفاء ابني الغالي يارب ..
سبحانك اللهم وبحمدك اشهد ان لا اله الا انت استغفرك واتوب اليك
اتشرف انى اول واحدة ترد على موضوعك القيم والرررررررررررررررررررروعة
لو بايدى اخليه فالمواضيع المثبته ممتازة ماشاء الله عليك ربنا يسعدك ويوفقك
تسلم ايديك عالنقل وفكرة الدرج مطبقتها بجنب من دولاب النيش وفعلا مخلينى مرتاحة جدا والحمد لله