اولا كل عام وانتو بخير :)
آآآخ من وين أبدأ ولا من وين مع هالبق اللي جنني وقلب حياتي فوق تحت !! بس الحمد لله بالنهاية كان النصر حليفي بعون من الله وطردت كل البقات من غير رجعة بإذن الله ..
بس بالبداية ما اقول الا حسبي الله ونعم الوكيل باللي كان السبب ! جانا البق عن طريق عامل هندي بالعمل مع زوجي .. ومن بعد ما اكتشفناه عندنا سألوه ليش ما تكلمت من الأول قبل ما تنشر البلاء قال لا انا قريت في كتاب ان البق الله يرسله علشان يقرصك ويصحيك على صلاة الفجر !! شوفو الجهل بالله ! بس نفسي اشوف هالكتاب اللي قرأ منه !
المهم اكتشفنا البق في بداية رمضان وتخلصنا منه قبل العيد بيومين ولله الحمد .. الموضوع طويل شوي لأن استخدمت اشياء كثيرة
في البداية شلت الفرشة على الأرض ومسحتها بكلوريكس وموية وديتول ومسحت كل شي تقع عليه عيني بالغرفة من خشب
بعدين قرأت ان الريحان يطرده ما يحب ريحته جبت ريحان ووزعته في كل مكان وتحت الفرشة
بعدين جبت ريد الأحمر واقراص النفتلين وبخيت على كل الخشب وعلى الفرشة وبكل مكان ووزعت النفتلين تحت الفرشة وتحت السرير وبين الملابس وبكل مكان
بعدين جبنا شركة مبيدات حشرية وبخو بكل البيت ..
وقلت يمكن خلاص ماتو بس تفاجأت ثاني يوم ان لسا موجود البق هنا خلاص اتخذت قرار بإني اتخلص من رأس البلاء وهي الفرشة .. شلت الفرشة وكبيتها هي والمفرش والمخدات وكل شي له علاقة بالسرير ما بقي الا هيكل السرير .. حتى خشب السرير اللي تحت الفرشة كبيتها
بعدين سمعت ان آله البخار تقتل البق وتقتل ذريتهم ;) (بيض البق اللي لسا ما فقص) رحت وجبتها نفس هذي
وبخيت كل مكان بالغرفة بخيت من قلببب وبعدين جبت بودرة قتل النمل قلت زيادة الخير خير ورشيت على حواف الغرفة لأني لاحظت كثرتهم هناك وقفلت الغرفة تقريباً اسبوع وكل يوم ادخل اعمل غارات عليهم ما الاقي شي ابداً
بعدين لقيت بصيدلية بيطرية دواء مركززز جداً لقتل الحشرات ومنها البق طبعاً ما كذبت خبر وجبته وبخيت كل البيت بس الريحة تصرع وجاني حساسية من الريحة :44:
للأسف ما بعرف اسمه بس هو موجود في الصيدليات البيطرية فقط
بس كان له مفعول قوي جداً كنت لما ادخل اشيك على الغرفة الاقي بق ميت على الأرض وما كنت اشيله علشان اخليه عبرة لمن يعتبر من البق :biggrin2:
وبعدين طلعت كللل الملابس من الغرفة وغسلتها في موية حاااارة مع ديتول علشان اضمن ان البيت نظيف تماما منهم
يتبع رجاء ماحد يرد قبل ما اكمل
