غرشوب رعبوب :

تعرفين اول مره من بديت اكتب بهالمنتدى اقسو لهاي الدرجه يمكن من كثر ماشفت مشاكل وخوفي عليك يكون مصيرك مثل مصير اللي اعرفهم انا ماعرفك ولا انتي تعرفيني ومب مستفيده شي من كلامي لك بس اتمنى تفهمين اللي بغيت اقوله لك يقولون للصبر حدود وانتي تقولين وصل حدي وانا شاكه بهالشي مادري احس لو قاومتي شوي وقسيتي راح تردين له مثل ماكنتي قبل مرت علي مشاكل كثيييييييييير وقريت ماسي وايد وكنت اتقطع لما اتخيل وحده من خواتي صاحبات المشاكل تنضرب وتنهان وتنسب وتنطرد وبعدين بكل سهوله تجي النصايح استحملي اصبري البسي اكشخي !!!!!!! انتي ضروفك احسن من غيرك صدقيني بكثييييييييير جدا يمكن انتي عندك اهل يمكن يساندونك ويساعدونك ولا يمكن يتخلون عنك بس في غيرك ماعندهم حتى سند بهالدنيا سندهم ونعم السند رب العالمين بس مااستسلموا ولا تحملو شي مايتحمل كنت بقولك صبري تحملي لو بس يسبك مثلا ما يعاملك عدل بس بحالتك مادري شو اقولك ؟؟؟ اختي ساعات الغلط من الطرفين وانا وحده من الناس اللي ماكنت ابدا اعرف الطريقه الصح اللي اتعامل بها مع زوجي لضروفي الاسريه الخاصه تقدرين تقولين وحده معقققققققققققققده لاخر درجه من اللي شفته في بيت اهلي ربي رزقني بزوج احن وارحم من تفكيري وكم مره كنت بهدم بيتي بيدي بس ربي ستر !!!!!!! تعاملنا كزوجات مع ازواجنا مايجي اعتباط ولا بالفطره زوجي مب مثل زوجك وزوجك مب مثل زوج اختك لكل زوج طريقه وبيدنا كزوجات نسيطر على قلوب ازواجنا وبيدنا نحطم مكانتا بقلوبهم يمكن انتي تعاملك وطريقتك غلط مع زوجك يمكن هو من النوع اللي يبغي له طريقه معينه بالتعامل ولكل رجال مفتاح وماراح اتفلسف عليك واقولك اني عرفت مفتاح زوجي من اول ماعشت معاه انا كنت صريحه معاك وماحبيت توصلين للي انا وغيري وصلنا له !!!!!!! حبيبتي جرحتك المتك انا اسفه وصدقيني يمكن حركتي كنت قاصدتنها تعرفين ان اغلب الاستشارات والنصائح الاسريه تكون قاسيه جدا باول مره لان انتي ماتبغين حد يطبطب عليك ويبكي على حالك انتي تبغين حد يعري لك شخصيتك ويواجهك بعيوبك بكل قسوه ومايرحمك عشان انتي ترحمين نفسك وتدافعين عنها يا اختي لو ماسوينا قيمك لنفسنا وخضعنا للذل والضرب والذل والهوان محد بيرحمنا ومنو بيرحمنا ؟؟؟سوي قيمه لنفسك وانصري نفسك مااقول لك سبيه اضربيه هاوشيه لا حاشا لله ولا اطلبي الطلاق اعوذ بالله بس اقولك لا تسكتين عن حقك انتي ادرى بضروفك منا وباهلك منا واذا حسيتي نفسك ضعيفه احتمي بحد قوي من اهلك ابوك امك اخوك حد عاقل وفاهم مب بس عشانك عشان عيالك بعد تعتقدين شوفتهم لك وانتي بهالحال وهالمشاكل ماتأثر عليهم ؟؟؟ اسأليني انا اذكر اللي كان يصير لامي وانا بالابتدائي وماانساه واللحين انا عمري 33 سنه ومأثر على نفسيتي وحبي لابوي قسم بالله من يومين احلم اني ادعي عليه بالموت !!!!!!! تخيلي عقب هالعمر وهالسنين مانسيت وصدقيني عيالك ماراح ينسون زوجك تعتقدين بيقدر صبرك عليه بكره ياخذ له وحده يعيشها ملكه تمسح فيه الارض وتكده طلبات لين تطلعها من عينه ويلبيها بكل سرور وحب تعتقدين هو يبغيك ويتمناك ساكته وصابره ؟؟ غلطانه اذا ظنيتي بهالشي عمره مايحترمك ويحبك ويقدرك ويسوي لك اعتبار وانتي تتنازلين كل يوم عن حق من حقوقك شدي همتك ياعمري خلي خير معين لك رب العالمين وشدي حيلك فيه ولا تسمحين لاي من كان انه يهينك ويسبك ويمد ايده عليك لانك ماتستحقين هالشي انا اتمنى يكون عندي ربع صبرك واستحمالك يعني وحده تحملت كل هذا شو تكون ؟؟؟؟ انسانه بمعنى الكلمه قدمتي كل هالحب والتضحيه بس للاسف لانسان لا تضنين انه راح يقابل تضحيتك بحب ابدا !! راح يقابلها بجبروت واهانه اكثر حبيه احترميه وخدميه وضحي عشانه بس لا تتنازلين عن حقك بمعامله بالمثل واقل حق لك هو الاحترام والحب والانسان يفقد ماله ويتعوض عياله صحته بس كرامته ماتتعوض واحترامه لنفسه !!! سامحيني والله مادري شو اقولك بس اتمنى من ربي لك السعاده ولعيالك وربي يسخر لك قلب زوجك

تعرفين اول مره من بديت اكتب بهالمنتدى اقسو لهاي الدرجه يمكن من كثر ماشفت مشاكل وخوفي عليك يكون...