تعالوا شوفوا كيف شخصيته!!!فضفضة

السلام عليكم ورحمة الله وبركاته..
بنات بفضفض لكم شغله... انا قبل اتزوج كنت البنت الدلوووعة والحنونة واللي دمعتها ماتوقف وعاطفية لدرجة الخيااال والله ما أبالغ،، المشكلة اني تزوجت واحد ضعيف شخصية او بمعنى آخر شخصية أقرب للأنثى من الرجل. أمه مربيته زيه زي أخواته مافيه فرق بينهم ، حتى أبوه مايعتمد عليه في شي. النتيجة ان بيتي للأسف عااايم مافيه رجال يقوده. زوجي لاعنده تخطيط للمستقبل ولا فلوس يجمعها وولا عمره يناقشني في مواضيع رجالية زي بيت العمر او اذا بيشتري أرض او غيره، عايش ليومه واللي في جيبه ينصرف اول بأول، بس المستغربة منه اكثر زي ماقلت لكم انه مايفكر بالمستقبل ابددددا. وحتى أطفالنا مايعرف كيف التربية وللاسف الصغار اذكياء عارفين ان أبوهم صفر ع الشمال وانا الكل بالكل. هذا الشي أثر فيني كثيرررررر، تلقائيا لقيت نفسي ألعب دور الأسد بالبيت، أخطط ايش نسوي، أقرر وين نروح، أحدد مواعيد، أذاكر دروس، أعطي أوامر، أتخذ قرارات. تقولون لي ليش كذا؟ اقول لكم لو ماسويت، مافيه أحد بيسوي والبيت بيضيع والله. لدرجة طفلي مثلا يبغى لعبة او مايبغى ينام يجي يسألني انا ويستأذن مني أنا وأبوه جنبي ماله قيمة تذكر. انا خايفة على أطفالي لان ماوراهم أب يسعى لهم او يفكر في مصلحتهم مع انه يحبهم موووت ماشاء الله. وكمان نسيت اقول لكم انا صرت احس بنقص بأنوثتي لاني القائد في البيت غصبا عني، ولأني صرت افكر بمواضيع المفروض هو يفكر فيها. وهو بعالم ثاني يبغى وناسة ووحدة تبادله كلمات الحب والغزل وحياة الأفلام لانه متأثر بها! طيب ما انت خليتني كذا، لان تلاقوني اضحك واعيش جو رومنسي بعدين اتذكر مواضيع جدية ويبدا القلق عندي وادخل مود ثاني. لان زي ماقلت لكم انا اللي لازم اشيل كل شي ولا أيامنا كلها بتصير تضييع وقت ولعب زي حياته. وحتى اذا سألته قلت له ايش رايك يافلان نروح كذا؟ او متى؟ او اي شي، يقول لي ماعندي مانع ولا زي ماتبغون، مافيه ررررأي نهائي وإذا قلت له ليش تقول كذا قول لي ايش تبغى، يقول لا اخاف رأيي مايعجبك وتزعلين. جنني لا اله الا الله