(تعالوا شوفوا كيي توفروا في اللينور والمي و........)

السلام عليكم ورحمة الله
خواتي من منطلق فيد واستفيد حبيت اقولكم عن اكثر شي استفدته منكم
اولا مشكلتي ما احفظ اسامي
كل الشكر لاختي صاحبة الجدول اليومي ووالاسبوعي الشهري
لانها فادتني بترتيب منزلي وخففت من معاناتي وراحتي بالبيت

ثانيا استفدت من صاحبة خلطة اللينور والعطر للغسيل وهي بعد ماتحطي الملابس بالنشاف( يكون الصابون فيها )
تحطي المويه واللينور والعطر بسطل وتكبيه على الملابس بس انا كنت اجففهم شوي وبعين اكب المويه
استفدت منها توفير بالمويه واللينور وريحة ملابسي معطره وانتم عارفين ان العطر اذا حطيتيه عالملابس وهي مبلوله يمسك فيها

امممم وش بعد ياربي
ايه تذكرت استفدت من شغالة امي انا نستفيد من كل شي يعني حنا اولى فيها من الزباله الله يعزكم
الملابس لما تشتريها خاصه الاطقم يكون فيها علاقتين واحد للبلوزه والثاني للبنطلون وهذا المطلوب اللي يجي كانه قضابة غسيل (اسمها الشايع عند العامه)اي اللي تمسكي فيه الملابس عالحبل ان شاء الله تكون وصلة المعلومه
اوه نسيت من كثر الشرح
هذا ياحبايب تمسكيه وتكسريهم يعني تفصليهم عن بعض وبعدين تستخدميهم

وش بعد ياربيييييي
ايه شوفوا ماشاء الله عالعقل اذا اشتغل اذا انكسر عصا ممسحتك وانتي تشطفي الحوش وعندك عزيمه مثلا او زوجك عنده سهره ومو قريب وش بتسوين
لا تقولي احط عباتي على راسي وافتر بالمحلات ادور على عصا
عندك مواسير البلاستيك حقت المويه اللي توصل المويه من الخزان للحنفيه حطيها بدال العصا وبتشوفي كيف تعجبها تدرين ليش ؟؟؟بقولك (بس لاتقولي لعدوينك خلي شغالاتهم تجيهم حالة استنفار من شي اسمه شطف )
الماسوره تكون انعم من عصا الخشب وتعرفي هم جايين يدوروا عالراحه موعلشان يشتغلوا


هذا اللي حاضرني الحين وبس تذكرت شي جبته لكم

تقبلوا كل ودي