تعالوا شوفوا ورطتي مع جدارة وساعدوني

السلام عليكم ورحمة الله وبركاته
بدخل في السالفة ع طول
بخصوص جدارة طبعا طلع بس اسبوعين
واختكم في الله متكية احسب ان زي العام
كل رقم له اسبوع وحده
وطبعا مطمنه ع الاخر
العصر اكلم صديقتي قالت وش سويتي في جدارة
قلت اذا جا وقته يحلها الف حلال واشفط النسكافه واثقة الاخت لا وابغى التعيين
قالت وش وقته انتي ذا الاسبوع قلت لا باقي
انا الاسبوع بعد الجاي
قالت والله انك نايمة نومة اهل الكهف
اصلا التقديم بس اسبوعين تلحقي ع عمرك
ومن هنا بدات المشكلة العويصة اللي نكدت علي يومي بطوله
نسيت الرقم السري من الدلاخه ولا هذي ثاني مره
ارسلنا لهم انا نسينا الرقم السري
قالوا انهم ارسلوه ع الايميل
قلبنا له لما دخنا مافي امل
وبعدها ارسل زوجي لحق الدعم والمساعده
ردوا برسالة ان مافي حل الا انك تجي لموقع الخدمة المدنية بجده
وش هالحوسة ياربي
لا وازيدكم من الشعر بيت ضاعت كل شهاداتي قلبت بيتي شبر شبر ولافي امل
زوجي يهديني ويقول والله الحين قدام عيونك بس ماتشوفينها
والحمدلله ع كل حال
الحين دبروني شاسوي ورطه ما بعدها ورطة
تتوقعون باقي يمديني اليوم اصبحنا الاربعاء
وهل الخدمة المدنية ممكن يداوموا الاسبوع هذا خميس وجمعه
يارب خارجنا
دعواتي لكم
ولاتنسوني من دعائكم