ركب الأغراب @rkb_alaghrab

محررة فضية

تعالوا شوفوا وش سويت في بنتي .. الله يسامحني ويغفر عن خطااااي ....!

...صباح الخير ..

بنات : شلونكم ..؟! أربكم بخير ...؟!
اليوم بنتي مره تعبتني ما تبي تنام كلش ،، قبل كم يوم اظطريت أسهر ..
وهي اسهرت معي .. ونمنا بعد الفجر وحنا ما نسهر الا نادر جدا جدا ..
عاد لما تغير وقت نومنا .. وغبت ما رحت للدوام ،،
الليله الثانيه عيت تنام ،، تبي مثل البارحه ،، وحاولت معها ولا طاعت ..
..

صبرت في داخلي وما نامت الا قبل الصلاه بشوي .. ثم نمت أنا يمكن ساعه ،،
وعقبها رحت للدوام وانا جدا مرهقه ،،
عودت من الدوام وهي طبعا بنتي عند امي وقلت لـ أمي متى قامت قالت على عشره ونص..
فرحت قلت رح تنام معي بعد الصلاه .. وجلست على النت وانا اقول كل شوي بتنام ،،
بتنام ،، بتنام ،، وعيت تنام ،، مرت ساعه / 2 / 3 لين وصلت أربع وعيون أمها واعيه ..
..

وكل شوي تتأمر علي .. ماما سوي لي دادا .. سويت لها ..
قالت ماما .. مابي دادا حليب أبي دادا عصير ..وسويت لها وانا على أعصابي من ذا الأوامر الملكيه..
عقبها ما شربت ولا وحده فيهم .. قالت ماماااا أبي تتكات ( كتكات ) .. عطيتها ..
حذفته قالت مابي يوم فتحته بس ..
عقبها قالت مامااااا ..أبي حلويااات ،، رحت كبت الحلويات وطلعت لها الي تبي ..
ولا كلت شئ .. عقبها قالت مااااما دقي تلفون على سلامي .. قلت لها نايمه .. قالت اوكي ودليمه يعني جميله ..
قلت بعد نايمه وذولا خوياتي بـ الدوام ..!

عقبها قالت أوكيه دقي على تحت تقصد تلفون البيت الي تحت خليهم يجون يشلوني العب ..
دقيت لقيت كل خواتي وأخواني الصغار نايمين حزة الظهر ..
قالت أممممم تفكر دقي على ودوووني تقصد وحده من خواتي متزوجه وفي بيت رجالها ..
ودقيت وجلست اتحكي معها لين خمسه العصر ..

..
وعقبها قفلت وقلت لها الحين نفذت كل أوامرك يله ناااامي ... قالت لاء ماااابي ..
قمت لا شعووورياااا ولـ أول مره من الله خلقها أمد يدي عليها واجتمع دلع وارهاق فييني وصفقتها كفين على وجهها..

..

وهي منصدمه لاني أول مره اضربها ..
بكت وخبطتها مره ثااانيه بقوووووووووه على يدها وراسها ..
وهي تشاااهق بصووت عالي ،، وعبرتها قويه ،،
وانا تعتب من صدري لـ أني خبطتها ،، بس ما بينت لها ،، وحطيت راسها على السرير بقوووه ،،
لين هي تبكي شوي ثم تنام وبسرعه ،، وانا نمت بدون ما أراضيها ..
ولكني والله ضربتها ضرب مبرح يا بنات ..

..قمت العشاء انا وياها ،، وانا نفسيا تعبانه لاني خبطتهاااا..
وهي لما قامت حبتني وقالت ماما يلا نروح تحت ،، ورحنا ،، وانا وياها نازلات تقول انتي سويتي لي آآآآي صح ..؟!
وتألمت كثير في داخلي يا بنات ..
يمكن انتوا تشوفون الوضع عادي ،، لكن انا اشوفه غير لـ أني ما أضربها بـ المره ..
ولا ادعي عليها بـ المره ولله الحمد مع انها حركيه بشكل كبير ،، بس أرحمها كثثيير ..
..

والذي نفسي بيده اني مش قادره انام والساعه وصلت الحين 4:47 الفجر وانا باقي واعيه :44:،،
من التعب النفسي لاني ضربتها ..وابكي كل ما لديت يمي وشفتها نايمه ،،
وحتى اني بوديها معي للدوام من كثر ما انا متألمه ،، لأني عارفه حالي لو رحت وتذكرت الي صار..
عادي اجلس ابكي .. على فكره هي عمرها باقي يومين وتخلص سنتين بـ أذن الله ..

..

ترى انا كتبت الموضوع بس فضفضه لا غير مانيب محتاجه اي حلول ..
وأبي دعوه بس لها أن الله يخليها لي ويجعلها من حفظة كتاب الله ..
والله / الله يا أمهات في أبناءكم وبناتكم لحد تسوي سواتي ثم تندم ،، قسم بالله شئ مؤلم ..
وشعور قاسي جدا وغير عادي على الاطلاق :44: ..

وسؤال في الأخير ..
بنتي معاد طاعت تشرب حليب النيدو ،، لاني مرات احط لها حليب مراعي مع عصير منجا ..
فـ حبته ،، ولا عاد تبي الحليب النيدوا بـ المره ،،
هل هو صحيا عادي تشرب حليب مراعي مع عصير منجا يعني اخلطهم ،،
أو اقطعه عنها وأخليها على النيدوا ..؟!
وشكرا لله يحفظكن جميع ووالديكن وجميع المسلمين ،، يا هلا ..!

..ركب الأغراااب..

39K

يلزم عليك تسجيل الدخول أولًا لكتابة تعليق.

تسجيل دخول

ام ماسه • 14 سنة

ماحب كذا >>> ودها تصيح
ماحب الاطفال ينطقون ..
ياعمري عليها ..

خلاص حاولي تعوضينها ..

ركب الأغراب • 14 سنة

ترى عوضتها الليله لعبتها ،، وشريت لها ألعاب ،،
بس ما حسيت أنه برد الي في كبدي من ألم ،،
فديتها ،، جعلني للكسر اذا ضربتها مره ثانيه ..!
أشكر لك حضورك وما حمل يا عسل .. هلا بك..!

ام هشـــــــــام • 14 سنة

ماشاء الله عليك حساسه مره

والله يحفظك ويزيدك صبر ماشاء الله عليك اللي ماقد ضربتيها الا هالمره << يارب يرزقني الصبر

ترى الاطفال ينسون براءه ياحبيلهم مافيهم حقد

أنين{وللجنه حنين} • 14 سنة

انا الاسبوع اللي فات ضربت بنتي على يدها ضربه خفيفه وربي ماقدرت انام ونزلت موضوع بعد

الله يهديهم ويصلحهم

lmooo% • 14 سنة

والله ياختي بصراحه يرفعووون الضغط بزارين هالايام والله انا امسك نفسي بالقوه عشان ماضرب بنتي الله يسصلحها