مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة
¨°o.O ( شاكرين لكم تعاونكم ) O.o°¨
تذكير : راجع الشروط لكي لايحذف موضوعكـ
راجعي اختي الكريمة في حال تلقيك هذا التنبيه مشرفات قسم الطبخ لنقل موضوعك في مكانه المناسب
بدل اعادته فنحن نحب لك الخير والاستمرار معنا بشرط مراجعة الشروط
السلام عليكم ياأحلى أخوااااااات بالدنيا
اول شيء اهنيكم بعودة ابونا الملك عبدالله
الله يمتعه بالصحه والعافيه ويجعله ذخر للإسلام و المسلمين
وبها المناسبه عارفين أن المدارس راح تحتفل بشفائه فكانت مدرسة اختي حفلهم يوم الأثنين(يعني أمس)
ومن يوم جت من المدرسه وهي تقول أبيك تسوين لي حلى اوديه للمدرسه قلت خلاص بسوي لك مفاجئه(وانا نصابه مافي بالي شيء بس أسكتها وراحت المسكينه تنام من بعد المغرب)وبما أني كسوله نسيت الحفل كله ولا ذكرته الا الساعه 1 بالليل وجلست أفكر وش أسوي بعدين
دخلت المطبخ الساعه 2 وربع وقررت أسوي كب كيك ولازم احط عليه حركات وقعدت أنبش منا ومناك ولا لقيت الا خدود البنات(قلت أبسوي فيها يعني أبسوي فيها)
ويالله نشوف الصور<<عارفه أني دبلت تسبودكم بكثر الهرج..
هذا الكيك لما خلطته
وهو عباره عن 3 بيضات وكوب لبن ونصف كوب زيت وكوب سكر وكاكاو وباكينج بودر و فانيلا
وبعد مانخلطا نضيف عليها كوب ونصف دقيق منخوووول
نجهز الكب كيك:
وهنا لما صبيته بالقوالب
وهذي صورة خدود البنات(المارشملو)
بعد ماصبيت الكيك أخذت خدود البنات وقصيتها من النصف وحطيتها على كل قالب
وبعدين دخلتها الفرن
بس للأسف لما طلعتها صارت ذااايبه وشكلها مررره يفشل..
قلت فكري بابت فكري وجتني فكره للترقيع
قمت وطلعتها من الفرن ورجعت لخدود البنات وقصصتها بالنصف وحطيتها على مكان الأولى<<سرى ليلي وانا اتعافر مع خدود هالبني
وهنا بعد الترقيع :)
وبعدين خليتها بحرارة الفرن ورحت انام الساعه 3
ويوم قمت الصبح صفيتها وزينتها بالشكولاته الهيرشي
[وأنهبلت فيها أختي وطارت من الفرحه<<أختي مخفه ماتدري وش السالفه أهم شيء فيها ألوان
وجت من المدرسه وتمدح فيها وتقول صديقاتي أنهبلوا ويقولن طعمها يجنن..
كفايه فرحت اختك فيها