بسم الله الرحمن الرحيم
السلام عليكم
انا ماحب المقدمات بس اخش عالموضوع على طول
اتذكر موقف مانسيته لما كنت ادرس بالثانوي كان مصروفي ريالين والصباح لما كنت اركب مع ابوي عشان يوصلني المدرسة يجي يوميا عامل نظافة يكنس قدام بيتنا .. مر اليوم الأول والثاني والثالث وهو يوميا يجي ينظف قدام بيتنا وبعدها يكمل على الشارع وهكذا ..
المهم طلعت ريال قلت لأبوي عطه مسكين شكله والله محتاج..المهم ابوي طلع ريال واختي كانت جالسه معنا برضو طلعت من مصروفها ريال وعطيناه احس انه فرح فيها بشكل ما يوصف قام رفع يده ويطالع بالسماء ويقول الحمدلله ويدعي لنا .. الموقف اثر فينا وحسينا اننا فرحناا:)
المهم جا اليوم اللي بعده وطلعت مصروفي كله و ابوي زاد واختي كذلك وطلعو نفس اللي طلعته وعطوه وفرح فيها وانبسط حيل وصار يرفع ايده ويقول الحمدلله ويدعي لنا .. عاد انا حسيت براحة يكفي اننا ادخلنا الفرح في قلب مسلم..
تكرر الموقف تقريبا اسبوع ..
بعدها رأيت رؤياا واضح تفسيرها وضوح الشمس بدون مفسر ولا شي واضحه من ظاهرها
رأيت اني انا واختي وأبوي كنا بالسيارة وكان الجو شديد الحرررر والعرق يتصبب علينا ونحاول نمسح وجيهنا ولا فيه فايده من قوة الحر
المهم جانا نفس العامل طالع فينا وعطانا موية ثلجججججججججج وطالع فينا وابتسم وراح..<<< بنفس المكان اللي كنا نعطي فيه الصدقه
احنا فرحنا بالموية حيل اخذناها وغسلنا وجيهنا وشربنا منها وراح الحر وارتحنا وصحيت على طول وانا مرتاحة ولهذا الوقت مقد شفته هذاك العامل يمر من عند بيتنا ... ونذكرت حديث الرسول
عَنْ عُقْبَةَ بْنِ عَامِرٍ رَضِيَ الله عَنْهٍُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّ الصَّدَقَةَ لَتُطْفِيءُ عَنْ أَهْلِهَا حَرَّ الْقُبُورِ، وَإِنَّمَا يَسْتَظِلُّ الْمُؤْمِنُ يَوْمَ الْقِيَامَةِ فِي ظِلِّ صَدَقَتِهِ" أخرجه الطبراني وحسنه الألباني (صحيح الترغيب والترهيب)
هالموقف ماقدرت انساه لأنه فعلا والله مؤثر ..
وترى والله
اكثر شي مساكين عمال النظافة راتبه في الشهر 600 ويمكن اقل لا والمشكلة انهم ما يعطونهم إياها إلأا بعد 5 او 6 شهور وش تسوي 600 في ادمي ذا الزمن ؟
برضو اللي يغسلون السيارات يكرفون في عز الشمس الظهر .. وش بيضر الواحد لو اعطاه ريال يشتري فيه مويه يغسل به وجهه ويبل ريقه شوي ؟؟
واستغرب من الناس اللي تقول هذولا متسولين يفشلون الدولة ومنظرهم يخرب البيئة ومدري وش .. اللي يده بالنار مو مثل اللي يده بمويه ولا تنسوا ( وأما السائل فلا تنهر) .. وسواء محتاج ولالا ريال واحد مراح تطيح الميزانية عندك وياما شرينا وراحت فلوسنا وضاعت على الفاضي ونقول ليش خلصت فلوسنا بسرعه وين راحت .. الجواب لأن مافيها بركة المفروض نطلع من كل شهر 10 ريال نعطي فيها مسكين ياكل منها ويأكل عياله وبتكفيه بالراحة وجبه كاملة حتى لو خبز مع موية .. الحين احنا نصرف على وجبه فوق 50 ريال ويالله تكفي بعد ونبخل بريال ..
وفيه بعض الصحابة والتابعين ما يملكون شي بس من كثر انو مايبغى يرد السائل صار يتصدق ببصل .. وزي ماقال الرسول اتقوا النار ولو بشق تمرة .. يعني نص تمرة .. اهم شي نتقي النار بأي شي .. ليش الواحد يبخل بريال بحجة انه نصاب ومو محتاج ومن هالكلام .. محد يعلم بالحال إلا رب العالمين .. والجمعيات الخيرية محد يصدقهم نحط فلوسنا ولا ندري وين تروح .. مو احسن نعطيه واحد نعلم بحالته ونشوفه يدعي لنا قدام عيونا ؟؟ وش كثرهم المحتاجين وحتى سعوديين والله .. الواحد معه 10 اولاد وماعنده إلأ الضمان ... وش بيسوي الضمان يعني ..؟؟ زي واحد عندنا بالحارة معه 9 بنات وولد مجنون الله يشفيه والوالد معه جلطه بالدماغ وواحد توه له شهر من يوم توفي الله يرحمه كان يساعد ابوه بالمصاريف وماعندهم غير الضمان .. والبيت إجار .. هذا ذكرته للي تقول مافيه سعوديين محتاجين ..
وهذا غيرالأرامل اللي يهددونها بالطرد من البيت عشان ماعندها قيمة الإيجار هذولا مو محتاجين ؟؟؟
وغيرهم وغيرهم عد واغلط ..
الهدف من كتابتي للموضوع ان الواحد يحمد ربه ويشكره على اللي هو فيه من نعيم وتذكرو حديث الرسول ( من اصبح وهمه الدنيا فرق الله عليه شمله وجعل فقره بين عينيه ولم يأته من الدنيا إلا ما كُتبَ له،ومن اصبح وهمه الاخرة جمع الله عليه شمله وجعل غناه في قلبه وأتته الدنيا وهي راغمة)
ولا تنسون ان فيه باب بالجنة اسمه باب الصدقة ما يدخل منه إلا المتصدقين ..
فلا تحرمي نفسك هالباب عشان دنيا زائلة تخلص بسرعه ومانحس فيها كأننا نصحى من حلم على يوم الحساب ..
واسأل الله ان الموضوع زي ماطلع من قلبي أن يدخل على قلوبكم ونسأل الله ان يغنينا بحلاله عن حرامه وبفضله عن من سواه ,وأن يرحمنا دنيا واخرة ..
ونسألكم الدعاء ..
واللي تبي تنشره عادي تنشره مو لازم حتى تكتب منقول ..
الحرف الناطق @alhrf_alnatk
محررة فضية
يلزم عليك تسجيل الدخول أولًا لكتابة تعليق.
حب ودلع
•
ربــي يجــزاك الجنــه ياعســل ويجعــل عملك خالصــآآآ لوجــه الكريــم
كلامــك درر ربـي يحرســك من كــل شــر ويبــعد عنــك عيــون
الحســـأأأأأد يـــــأأأأأرب
كلامــك درر ربـي يحرســك من كــل شــر ويبــعد عنــك عيــون
الحســـأأأأأد يـــــأأأأأرب
& شوشو &
•
الله يجزاكم خير ويكثر من امثالكم ونعم القدوة والله
بالفعل عمال النظافة اكثر ناس محتاجين ويرضون بااقل شي ويفرحون فية
بالفعل عمال النظافة اكثر ناس محتاجين ويرضون بااقل شي ويفرحون فية
ترووكه
•
الله يجزاك جنه عرضها السموات والارض
فعلا الصدقه لها مفعول سحري عجيب ودواء لكل داء حتى لتدفع المصائب
لااله الا انت سبحانك اني كنت من الظالمين
فعلا الصدقه لها مفعول سحري عجيب ودواء لكل داء حتى لتدفع المصائب
لااله الا انت سبحانك اني كنت من الظالمين
الصفحة الأخيرة
بالفعل عمال النظافة اكثر ناس محتاجين ويرضون بااقل شي ويفرحون فية