تعالوا شوفوا وش قالي الأخصائي الجلدي في آثار حب الشباب

السلام عليكم
انا أمس كنت بزياره للإخصائي الجلدي وسألته عن آثار حب الشباب اللي معذبتني بظهري وأعلى أكتافي
فقالي أنه الكريمات تحد من ظهور الحبوب مره ثانيه ولكن مفعول الكريم ممكن يقشر طبقه خفيفه وتخلي مستوى الحبوب بمستوى الجلد
وسألته يعني وش انسب حل للآثار؟ قال التقشير اللي ممكن ينعمل بالمستشفى يزيل طبقة الجلد ويوصل لطبقة تبقع الحبوب ويزيلها وبعد فتره تطلع طبقه جديده من الجلد تكون صافيه
وسألته : كم بالمئه يمكن التخلص من آثار الحبوب؟
قال على حسب الحاله وتقبل الجلد بس أقل نسبه يتخلص الشخص 30% وأكبر نسبه 70%
بس حل نهائي مافيه والكريمات أغلبها اللي تزيل آثار الحبوب تبيض المنطقه و تعوق عمل البشره وافرازاتها وممكن تسبب مشاكل جلديه لاسمح الله ثانيه
وهو حاليا اعطاني خلطه من الكريمات احطها مره باليوم فوق المنطقه عشان تمنع ظهور المزيد او تقشر بشكل خفيف وقالي هذي مافيها اي ضرر
هذا اللي قاله لي الإخصائي وبصراحه هو من أفضل الدكاتره اللي رحت لهم
ومدري الحين محتاره اسوي تقشير او لأ؟

عسى ماطولت عليكم حبيت أنقل لكم كلامه ويمكن تستفيدون