تعالوا شوفوا وين لقيت زيت الحيه الاصلي && وبكم && ...

السلام على بنات حواء جميعا

السالفه وما فيها ..

رحت للعويس اشتري زيت الحيه واول محل رحت له عطار المحمود

دخلت وسألته عن افضل زيت للشعر <سويت نفسي ماادور على شي معين عشان ماينصب علي>

قال انتي من موقع حواء؟ قلت لا انا من بيتنا...امزح..

المهم قلت له وش ذا حواء ؟قال هذا موقعنا على الانترنت<صار موقعه>قلت قم بس قم ..

قالي عندي زيت الحيه رااااائع للشعر<ادري اخلص بكم> وراني نوع اصفر قال الكيلو ب400

هذا اللي مو اصلي انا عارفه ..قلت والاحسن منه عطاني نوع قال الكيلو ب1000 <نعنبوه>

قلت غيره ..عطاني نوع الاخضر واعتقد انه الاصلي قال ب800

قلت له وشو اللي ب1000 <انا اسأله السوؤال مرتين لان الكذاب ينسى وش قال..

قال اللي ب1000 حشيش <الاخت اللي شرته منكم طلع حشيش مو حيه >

قلت اماك تقول حيه قال لااااماقلت ...قلت.اخس واقطع يا التسذوب..

واروح للي جنبه على طول اسمه عطار الرياض <هنا الزبده> سألته عن زيت الحيه وراني الاخضر

زي اللي عند المحمود ابو 800 قلت بكم ؟ قال 400 الكيلو ..والله شكل الرجال طيب وحبوب وامين

وقال هذا الاصلي على ضمانتي واذا مانفع خلال اسبوعين تعالي رديه

واخذت منه ربع كيلو ب 90 نزل لي 10 <حبوب>يقول ايعه ب100

لونه اخضر الاصلي وطلعت منه واليماني حق المحمود يبحلق بالكيس اللي معي <موتوا بغيضكم>

ورحت لدانة الخير اللي بنفس الشارع اللي فيه المحمود والرياض قلت بشوف هذا <زيادة معلومات لان

هذا اللي سمعته منكم انه عنده الاصلي قلت بشوف كانه نفس اللي معي ..ودخلت عليه . باكستاني شكله

تسذوب..قلت له عطني الحيه الاصلي .عطاني نفس اللي معي تمااااما

قال الكيلو ب 800 قلت اشربه............<كنت بتأكد من اللي معي والحمدلله طلع نفسه

واول ماسألته عنه قال انتاا من انترنت ..قلت يلعن ابليسكم اثارينا منفضحين

وحنا ماندري .. قلت لا .. قلت له بشوف لونه..حط لي ببياله اخلص .قال الا انتا من انترنت شاف اني عندي سالفه

<هو الضاهر زي المحمود درا انه فيه كلام بالنت عليه ورفع السعر..


وهذي سالفتي ...والزبده..<لحد يروح للمحمود ولا دانة الخير روحو للي جنب المحمود عطار الرياض ولا

يدري انكم من المنتدى عشان مايركب راسه ابليس مثلهم

وسلامتكم...