تعالوا شوفو المراميه والمويه المفلتره ايش سووا بشعري

السلام عليكم ورحمة الله
بنات أبدش في الموضوع علطول وما احب لا مبالغات ولا تهويل
وابقول لكم الصراحه
انتم يمكن تذكروني من كم يوم كنت ادور حل حق هالتساقط والقشره اللي ذابحيني وذابحين اكثر خلق الله والسبب كان والله العالم من المويه اللي كلها كلور
والله لي تسع سنوات وانا اشتكي منهم حتى شعري خف كثييير خاصه من قدام
و رحت للطبيبه و سويت علاجات طبيعيه وما فاد
لكن والله الحين حسيت بتحسن واااضح ما شاء الله من اسبوع فقط
وهو انا اسمع عن موية المراميه مفيده يا تعجنيها بالحنا وانا ما قدر لان شعري مصبوغ او بروحها وحتى طبيب شعبي قالها لانها قابضه بس ما جر بت لاني ما بقيت شيء وما نفع
سبحان الله قلت ليه ما اغلي مراميه في مويه مفلتره مغليه يعني مويه حلوه
و جربتها بس مرتين خلال الأسبوع بعد ما اتحمم
اجعل آخر شطفه بموية المراميه
و المقدار انا اخذت قبضه يد ملياانه من المراميه الناشفه و خسلتها ووضعتها في ابريق وصبيت عليها مويه مفلتره يعني مصفيه او ماء صحه مقدار ثلاث الى ارع كاسات
وتركتهم على نار هاديه يغلون مدة نصف ساعه او اكثر وتركتها الى ان صارت دافيه صبيتها في جيك ولونها راح يكون بني غامق زدت عليها كاستسن مويه مفلتره
وبعدين استخدمتها
النتيجه
ان شعري لما نشف ما شفت قشره يعني اكون صادقه قلت بنسبه كبيييره
التساقط خف كثييير
ولمعه ونعومه بشعري ما شاء الله
وان شاء الله اني استمر الى ان انتهي من المشكله وراح ابدأ ازيت بخلطات التكثيف
بنات
انصحكم انكم تركبوا فلتر في الدش لان المويه اهي عدمت لنا شعورنا
ناس كثير تشتكي من التساقط وناس من انتشار الشيب
و هالمويه اهي والله العالم السبب
و ادعولي الله يعافيكم من خيري الدنيا والآخره