ثاني شي بسولف لكم كيف كنت وكيف صرت
قبل اسبوع واقسم بالله وبدون مبالغه كانت فخذي من ورا فيها سلولايت وااااااضح مره وكتل كبيره دآآيم أسأل عن علاجه واقرا نظام غذائي وتدليك وليزر وكثثثير من الطرق الي صعبه على الكسولات وكنت اتكاسل
وانا يويطي وراي عرس قريب بإذن الله
وفششششله اطلع بالشكل هذا حتى لو جيت اتدلع والبس شورت ياربيييي مراح يليق مع هالسلولايت 
عاد الزبده اني قلت خلاص لازم اسوي ليزر مراح اضيع وقتي على خرابيط وخلطات وحميه ومدري وشو بعدين قلت بنفسي خل احاول اخفف منه شوي على ماتجيني الفلوس و عشان ماتكثر جلسات الليزر وتكاليفه ولي اسبوع ويمكن أقل بس وربي مو أكثر بديت ادلك مكان السلولايت يوميا ً مره بزيت الزيتون ومره بكريمات خبصتها مع بعض من راسي ومره بالصابون والليفة الخشنه احياناً مرتين باليوم واحياناً ثلاث وفي أسواء الحالات مره
بس هاه مو أي تدليك ,, تدليك من قلب لدرجة انه طلع فيني نفس الرضوض الي تجي بعد الضربات بس تروح بسرعه ماتطول << خبرة من كثر ماتاكل شلاتيت
ادلك بأظافري مره على شكل دواير ومره امشطها مشط من تحت لفوق ومره امسدها براحة يدي وكل جلسة تدليك ماتاخذ مني خمس دقايق دقيتين ونص لكل فخذ << ابووك يالدقه
المهم اني ادلك ومااشوف وش يصير عاد أمس سيرت على بنات خالي كلهم يوم يشوفوني مقفيه يحسبوني اختي الصغيرة الرشيقه يوم يدرون انه انا ينصدموون يقولون يووويلي هذذا انتي ؟؟؟ وراه فخذووك منشفطه ؟؟؟
وانا الناس مسيره وتسولف وانا مغير المس بفخووذي معقوله ؟؟؟
المهم نسيت السالفه ورجعت للبيت وانا ابدل مقفيه واختي تقول وآآآآآآآآآآآآآآآآآآآآآآآآآآآآآآآآو
<< طبعا لابسه شورت لاتفهمون غلط المهم قالت وين السلولايت ؟؟؟؟ يوويطي وصاايره بيضا بعد ؟؟؟
وانا انصدمت وعلى طوول انطلق للمرايه اطالع بفخووذي يوويطي وربي وش زينه صايره الكتل الكبيره رااااحت وصااارت تووواجه حلووه 
بس بااقي فيها سلولايت شوووووووي ماينشاف ولا احد ينتبه له بس مراح اسكت له ابخليه يلحق امه << تقصد الكتل الكبيره المهم اني حبيت اقول لكم تجربتي ويشهد الله علي نقلتها بدون مبالغه وابي لكم الفايده
وأي سوؤال انا حاضره
وبالنسسبه للكريمات الي خبصتها مع بعض << متأكده انكم بتسالون عنها
وهي كريم الكولاجين من ستيفز
زبدة الكاكاو من بالمرز
زيت جنين القمح ابو 15 ريال
الكميات كيذا من راسي بدون تحديد ريحتها عادية وترطيبها رائع ولونها زي التطلي ودك تلحسينها