أنا غيرت كنب الصالة وشريت بداله جلسة مودرن متصلة حرف إل عبارة عن شزلون ومتصلة فيه الجلسة وطبعا كنت حريصة إني آخذ جاهز ما أفصل لأني مو أي أحد يفصل أثق فيه فأخذتها صيني مستوردة وشريتها يمكن من أسبوع وما طلبت منهم يوصلونها إلا أمس..المشكلة يوم جابوها إلا القطعة الثالثة الطويلة فيها عيوب ...مسند الرقبة مو فيه وقالوا موجود عندنا وبنعطيكم إياه لأنه متحرك مثل مسند الرقبة حق مقعدة السيارة .ووحدة من فتحات مسند الرقبة اللي تدخل فيها الحديدة وترفعينها وتنزلينها للمستوى المطلوب مكسورة البلاستيكة حقتها وقال بنسويها لكم . وجزء من القماش الخلفي مقطوع ومدبسينه وقلنا أنا وزوجي معليييييش ما دام بيتغطى مو مشكلة لكن الشي اللي ما أقدر أبدا أطنشه ان وحدة من مخدات الظهر احتمال ما تكون موجودة:mad: ولاحظو مسند الظهر مو الخدادية قالوا بندورها في المستودع ولو ما لقيناها نفصل لكم قماش قريب منها أنا بصراحة لين هنا ولعت وقلت لزوجي إلا هذه مافي مجال نرقعها خلاص قلهم ما نبغاها يجون يحملون بضاعتهم ويعطونا قروشنا ان كان مالقو مخدة الظهر..
المشكلة ان اختياري لورق الجدار كان على أساس ألوان الجلسة هذه فإذا رديتها وش اسوي؟
وين ألقى نفس الألون ؟ ووين ألقى جلسات مودرن مستوردة ما أبغى أبد تفصيل ؟
الله يسعدكم شوروا علي ونوروني .
وما أقول إلا حسبي الله ونعم الوكيل على المحلات اللي ما تحسن التعامل مع الزبون وما تراعي الله في تعاملها.
وهذه صورة جزء طبعا من الجلسة لأن القطعة الثالثة ما دخلناها لمن شفنا عيوبها
