السلام عليكم ورحمة الله وبركاته
الله يجزاكم خير يابنات ابيكم تفيدوني وتساعدوني انا اليوم لي خمسين يوم من ولدت ولا بعد طهرت الى الان ومدري وش الاسباب
بقولكم بالظروف اللي مريت بها اثناء حملي وبعد ولادتي وهل لها دخل في عدم طهارتي ولا لا اتمنى يكون فيه خبيرات ويردون علي اذا لها تاثير ولا لا
اول شيء زوجي توفى الله يرحمه وانا حامل في الشهر الثالث وجلست حداد 6 شهور
وبعد الولاده تقطعت المشيمه عندي وسوولي تنظيف وبعدها جاني فقر دم حاد وصل لين 6 وبعدين رجعت لهم وحطولي دم
بس وانا في المستشفى جاني اكتئآب لانه جاني مع فقر الدم كتمه شديده حسيت اني بموت خلاص لولا ستر ربي وبعدين صرت ما اطيق الناس ولا احب التجمعات كل هذا وانا في المستشفى وصرت احس بدوخه شديده وزغلله في العيون وكل هذا اثر على نفسيتي عشان كذا جاني الاكتئآب والحمد لله قدرت اتغلب على الاكتئآب بالقران والاذكار والاستغفار ويوم سالت الدكتوره عن الاعراض اللي فيني قالت لي هذا من نقل الدم لانه جسم غريب دخل جسمك يبي لك اقل شيء من شهر الى شهرين عشان يرجع جسمك لوضعه الطبيعي ويتعود جسمك على هالشيء وهذا طمني شوي وبعد ماطلعت نفسي صارت مسدوده عن الاكل بس كنت اجبر نفسي على الاكل عشان مايرجع لي فقر الدم مره ثانيه والحمدلله قدرت ارجع دمي لمستواه الاول 12 بس بعد معاناة وبعدين جتني حمى النفاس يمكن يومين والحمدلله عدت على خير وبعدين صرت احس بدوخه وخفقان بالقلب وقالت الدكتوره هذا من الارهاق لاني كنت ما انوم الا في النهار وساعات بسيطه لان بنتي الله يخليها لي اللي توني جايبتها ماتنام في الليل لانها صايره صياحه ونفسها شينه بعكس عيالي اللي قبل انا اقول يمكن لاني وانا حامل فيها ابوها الله يرحمه توفى ولاني تاثرت حيييييييييييييييل بموته وبكيت كثيييييييييييييييييير وكنت دايما ضايق صدري على موته الله يرحمه عشان كذا البنت نفسيتها شينه وصياحها كثير مو مثل اخوانها اللي قبل انا اتوقع كذا والله اعلم الزبده ان حملي ونفاسي راحت كلها تعب وضيقة صدر :44:
اللي احب اقوله وعقب هالبربره هذي كلها هل اللي صار لي ممكن يصير سبب اني ما طهرت للحين لاني بعيالي اللي قبل اطهر قبل ما اطلع من الاربعين بخمس ايام او باربع ايام يعني ما اطلع الا وانا طاهره والحين كملت خمسين يوم وماطهرت تكفون اللي عنده خبره يرد علي واللي عندها طريقه للطهاره تقولها لي واكون شاكره
ومن ناحية الصلاة سالت وقالو لين كملتي اربعين يوم تصلين هل هو صحيح ولا لا لاني الحين اصلي بس اتوضا لكل فرض وضوء جديد تكفون ردو علي وبردو على قلبي ............
عنووودالصيد @aanooodalsyd
عضوة فعالة
يلزم عليك تسجيل الدخول أولًا لكتابة تعليق.
ملبورن
•
غفر الله لزوجك وثبتك وجعل قبره روضة من رياض الجنة... ومن المعروف ان النفسية لها دور أساسي في الدورة والنفاس لذلك أتوقع انك ما طهرتي بسبب الظروف التي مريتي فيها لكن لا أعلم كيف يمكنك أن تطهري بسرعه غير شرب القرفه وجعل الله ما تمرين فيه تطهير لذنوبك وزبادة في أجرك
الله يجزاك خير يالعصفوره يكفيني مرورك على موضوعي يالغلاالله يجزاك خير يالعصفوره يكفيني مرورك على موضوعي يالغلا
الله يعوضك خير يارب ويصبرك
بالنسبة للصلاة خلاص بعد الأربعين تغتسلين وتصلين
والدم خوذي رشاد ينظف اللي بأرحامك
وبنتك عطيها مغلي يانسون يمكن فيها مغص
بالنسبة للصلاة خلاص بعد الأربعين تغتسلين وتصلين
والدم خوذي رشاد ينظف اللي بأرحامك
وبنتك عطيها مغلي يانسون يمكن فيها مغص
الصفحة الأخيرة
انا ماعندي خليفه وان شاء الله البنات مايقصرووون معاكي سامحيني