تعالوا شوفو وش صار مع ولدي اليوم الله لايوريكم اللي شفته

السلام عليكم ورحمة الله وبركاته
كيفكم اخواتي
انا بدخل بالسالفه على طول لانها ماتحتاج مقدمات كثير
اكيد مستغربين من العنوان وودكم تعرفون وش صار انا اقولكم السالفه والله لا يحطكم ولا يحط كل ام في هالدنيا في الموقف اللي صارلي اليوم
هذا الله يسلمكم ولدي اليوم من غير شر ضاااااااااااااااااااااااع من الساعه تخيلواااااااا كم ؟؟؟؟؟؟؟
من الساعه 6 المغرب وانا لا ارض ارض ولا سماي سما رجلي ويديني وراسي ينتفض من الفجعه والسالفه هو كل يوم يطلع من البيت لتحت عند العماره يشوف عيال صغار من سنه اهلهم في العماير اللي جنبنا يتجمعون العيال الصغار ويلعبون عند باب العماره من العصر وانا عشان ماابكسر بخاطره اخليه يروح يلعب معاهم هذا الكلام دايم يروح يلعب معهم ويروح ويجي البيت عندي يعني مايبعد يعني هو دوبه تعلم الشارع ماله غير سنه من يوم ماصار يطلع برى هو عمره 4 سنوات بتقولون صغير انا عارفه بس وش اسوي وربي مايسكت اذا شافهم متجمعين تحت يطفشني صياااااااااااااااااااااااااح اللين اخليه وهم احيانا العيال يجوون عندنا يلعبون معاه يعني واثقه منهم
المهم بااخش بالسالفه على طووول ----هو انتي ماخشيتي
ادري كثرت هرج وحكيت قصة حياتنا
المهم الولد طلع الساعه 6 واسمعه يلعب اللين 7 وبعدها ماسمعت صووووت واقول لابوه روح جيب الولد كنت مسويتله اكله خفيفه عالمغرب ياكلها :cook:قبل مانتعشى لاننا نتأخر في العشا
المهم نزل ابوه دوره مالقاه سأل اللي كانوا في شارع ماشافوه من 7 المغرب وزوجي دوره ماتلقونه يدور زي المجنون فالشارع وانا قاعده فوووق فالبيت احط الاكل وازينه عشان ذحين يطلع ياكله :cook:ومادريت الا زوجي دخل وهو وجهه مقلوب هاه وينه؟؟؟؟؟
موفيه
وين راح ؟؟؟؟؟
مدري ولدك ضاااااااااااااع
وانا جسمي كله ينتفض واصيح اييييييييييييييشششششششششششش :06:
وابكي وابكي وربي ماجاء في بالي الا ولد حايل المذبوح في الصحراء اللي قريت قصته قبل كم يوم في المنتدى وليتني ماقريتها وربي حسيت بشعور امه لما كان مخطووووف وربي شعور يقتل الله لايجيبه لاحد
المهم واكلم امي هي ساكنه في نفس الشارع هاه جاكي الولد وامي خافت ممسكينه تقو لا والله ماشفته وانا خلاااااااااااااااص انتهيت احس الظغط هبط عندي ودوخه وراسي مصدددددددددددددع وضيقه في صدري اعوذ بالله من الشيطان الرجيم وزوجي نزل بالسياره يدوووور ويدوووور اللين 9 وفي الاخير بلغ الشرطه وانا كل شوي ادق عليه
لقيتوه وهو يقول لا ودقايق واتصل قال يووووووه جننتيني انا اذا لقيته دقيت عليكي وانا اعصابي تااااااالفه مدري وش اسوي غير اني ادق عليه اخررررر شي عصب علي:35:
انتي مو ام انتي ماتستاهلين تكونين ام انتي فاشله داجه ولدك فالشارع اللين راح حسابك معايه اذا رجعت البيت وربي لااوريكي شغلك وانا ابكي وابكي وهو يهاوش قلتله انا فاضيه تقعد تعصب عليه انا منهاره من دوون واعصابي زفت وانت ترد حرتك فيه وصك الجوال في وجهي:hahaha:
المهم وانا امسك سجادتي واصلي وادعي ربي يرجعلي ولدي بالسلامه وابكي وادعي وامي واخواتي تجمعوا عندي وانا معاهم وماني معاهم احس اني في عاللللم ثاني عيوني تورمت وماراح عن بالي شكل ولد حايل واتخيل ولدي يالللللللللللله واصلي واسمع الناس تبكي وتدعي والجوااال ماسكت الخبر بسرعه انتشر اهل زوجي امه دقت عليه وشافت صصوته متغير وعلمها وانتشر الخبر عااااد وانا ماني عند احد بس امي ترد عالجوال بس وربي يلهمني اني اقرى سورة البقره لاني قريت مواضيع كثير في فضلها
واقراء وارج ابكي وابكي مااشوف المصحف من الدموع وربي واتذكر كيف كنت اعصب عليه واضربه لما يتهاوش هو واخوه واتذكر بس متى اخر مرره ضميته وادعي ياربي رجعه لحظني يارب :06:
والله يابنات اربع صفحات اللي قريتها ويجي زوجي يدخل علي وهو وجهه اسوووووووود واقابله هاه بشر ويقولي روحي عن وجهي ذحين دخل الحمام وانا برى ابكي ورحت كملت قراءه وطلع من الحمام وجاه اتصال من الشرطه وقالوا لقيوه وهو عندهم واحد لقاه فالشارع وجابه عندهم تخيلوا الحمدلله الدنيا لسه فيها خير اللهم لك الحمد :35:
وجاء وانا اقرى وهو يضحك ويقووول الحمد لله لقيوه انا بروح اجيبه وانا مدري من الفرحه ابكي ولا اضحك وابكي مررررررررره ثانيه بس من الفرحه واهلي يبكون حررييييييم ماعندنا الا دموعنا مانعرف نفرح زي الناس خخخخخخخ :06:
وتخيلوا الساعه كم 11 يعني من 7 الى 11 وهو برى يدور فالشارع وكان معاه واحد راحوا فين ماشاء الله رحنا نشتري سيارت وسوني اه اه اه من جد طفوله :04:
والحمدلله ولدي رجعلي بالسلامه بفضل الله ثم قراءة سورة البقره والله يابنات ماكتبت قصتي غير عشان اقولكم ان عندنا كنز عظيم وغافلين عنه وربي لو دوامنا عليها وانا منكم غافله عنها اول مررره اقراها في موقف زي كذا والله لنشوف الخير كله باذن الله وجزاكم الله خير على وقتكم في قراءت قصتي وادعولي الله يهديني وزوجي وعيالي ويخليهم لي ومااشوف فيهم مكروه ولكم بالمثل والله لايوريكم مكروه في احد ياااااارب:D