السلام عليكم و رحمة الله و بركاته ....
بنات الموضوع باين من العنوان إحساس يجيني لما أشوف شي نظيف ... لا لا ... ويييييت ... خلوني أوضح ..
بنات أبا أشرحلكم حالتي و إنتوا يا دكتورات فسرولي إياها ؟؟:35:
بنات:35: اللي فيني هو ::::
إني أحس بشعور الاسترخاء الامتناهي إذا شفت حد ينظف بمعنى يمسح شي أي يفرك أو يدعك أو أي شي ...
تخيلوا يعني يوم أكون مرهقة و تعبانة بس يكفي استرخي على سريري و أكون مجابلة الغسالة ( هي فالمطبخ مقابلة غرفتي شوي بس بعييدة ) و أشوفها تلف و الرغوة مالية الحوض .... آآآآآآآآآآآآآآآآآخر استرخاء لدرجة أبا أرقد ..
لا تقولون عشان الحركة الدائرية ... لا بس منظر الرغوة و الماي اللي يتحرك يحسسني باسترخاء يتسرب لجوارحي !!!!!
يعني بقولكم شي .... هذاك اليوم كنت زايرة وحدة من أهلنا و وقت الصلاة كنت مكسسسلة و منسدحة عالكنبة
يعني قبل وقت الصلاة و أقول ما عليه العشا يتأخر مب مشكلة ...
استوى إنهم ما أدري شو انكب و نادوا الخدامة تفرك الموكيييت ... الله لا يراويكم الاسترخاء و الراحة اللي حسيتبها و أنا كنت سرحانة في حركة الدعك و الصابون و الماي اللي يتخلل أصابعها ....
بنات أدري اتقولون شو هالحالة و هاي البنت شو تبا :hahaha:
بس جد بنات أنا مستغربة أكيد الكل يشعر براحة لا شاف البيت نظيف و يلمع .. لكن إحساسي شي ثاني أقولكم استرخاء يصل لدرجة كأنه حد يسويلي مساج و أبا أرقد ....
اتخيلوا و أنا بنت كنت ما أرضى الخدامة تنظف غرفتي إلا إذا أنا وياها ... و اتصدقون إني ما أيلس أسوي شي غير أشوفها و هي تبخ هالبخاخ و تمسح بالجريدة و تلمع بالفانيلة و تكنس و أنا قمة قمة فالراحة و الإحساس بجفوني تسكر و آآآآآآآآآآآآآخر استرخا (( أقول كم مرة عدتيها اختاري غيرها ) :mad:
بناااااات جد هذا شعوري .... بعكس إذا كنت أنا المشتغلة ما يجيني هالشعور ... يعني لازم أشوف حد يقوم بالتنظيف أشوف صور عااادي ....
أموووت إذا شفت حد يغسل وعيان فالمغسلة و الرغوة و الماي مالي المكان ... أتمنى أحط كرسي و أجلس استمتع بالشعور ...
و أنا اكتبلكم و اتخيلت و جاني هالشعور ...
شو تفسيركم ؟؟؟؟؟ و الله محتارة .... :mad:
فوحة المسك @foh_almsk
محررة
يلزم عليك تسجيل الدخول أولًا لكتابة تعليق.
هند1931
•
والله انا نفس وضعك تمام .........لدرجه اني اطيح في مواقف محرجه .مثلا....كنت عند عمتي وقامت شغالتها تمسح الارض وما دريت الا وانا نايمه نومه خفيفه ....واشوف عمتي تطالع فيني....وانا اعتذرت وقلت كنت سهرانه خخخخخخخخ:hahaha::hahaha:حتى في بيتي قامت سلفتي تمسح الموكيت لان ولدها كب العصير وحلفت اني ما امسح وما دريت بحالي الا وانا خخخخخخخخخخخخخ..........وش تفسير حالتنا..........:44::44:
الصفحة الأخيرة
كان خليتي الكل يكركب الدنيا