تعالوا قالوا انا صح او غلط

انا ما اعتبره مشكله بس بقولكم اللي عندي وانتوا احكموا وقالوا انا صح او هي الصح بس اهم شي من الصح
احنا عددنا ٤ ثلاث بنات ولد امي ماقصرت ربتنا احلى تربيه بحكم ان ابوي ماكان يهتم فينا
كبرنا وتزوجنا والحمدالله انا الان موظفه وعندي عيال وحامل وخواتي الثنتين ماعندهم عيال واخوي متزوج وعنده عيال
امي تحب شي اسمه ولد عنصريه
اخوي تزوج وبنى فله وسكنها فوق بالشقه وهو مع زوجته وعياله تحت وجاب شغاله لزوجته
وانا عندي شغاله من راتبي
امي الله يهديها اذا جيت عندها تحط اللوم على شغالتي ليش ماسوت وليش ماحطت كل شغالتي لازم تسوي فيهم سالفه الشغاله مو على كيفي بتشتغل بكل بيت هي تشتغل في بيت امي وفي بيتي اكثر شغل وتدخل بشغالتي واذا تهاوشت مع شغالتي بسبب امي قالت يابنتي خلاص لاتتهاوشين معها عشان ماتروح وحقت اخوي ولا كلمه تقول لشغاله اخوي تخاف انها تروح ويخسره اخوي
وغير كذا اذا طلع راتبي اعطي امي منه جزء بسيط واشتري له اذا دخلت عطر شنطه ماعمرها قالت كثر الله خيرك وتحط اللي اشتريه بالدولاب ماتستعمله لين ينتهي تاريخه وترميه واخوي اي شي بشتري له كثر الله خيرك ابو فلان وتمدحه من كثر ماهي تحبه ماترضى على زوجته ولا على عياله مع اني اشوف مرة اخوي تخش عن امي وقت الحمل ماتعلم امي الا اذا جات بالخامس واي شي تطبخه مرة اخوي حلو
واحنا مع خواتي لو نسوي لها شي طبخ ماتقول حلو
ودايم تدق علي باستمرار واذا صرت مشغوله مارديت جلست تهاوش ليش مارديني طيب انا مشغوله عندي بيت وعيال واذا كلمت عيالي بالسناب قالت افتحوا الكام اشوف بيتكم وش عندكم افتحوا الثلاجه اشوف وش في ثلاجتكم وتجلس تسئل عيالي وش سويتوا اليوم وش اكلتوا وتروح تبث اخباري عند اخوي ومرة اخوي ويجي اخوي ينشر اخباري بالواتس واستغرب كيف عرف اخباري
وتدق على باقي خواتي وتجلس تهاوشنا واخوكم احسن منكم ابو فلان طيب احنا مشغولين اذا صرت فاضيه اكلمها ودايم ترسل لي صور عيال اخوي واتس واذا مارديت قالت شفتي صورهم قلت اي مع اني اشوفهم اذا رحت عند اهلي ليش ماتقولين انكم تحبيهم انا ماقالت اكرهم بس انتي رسلتي لي وانا ماطلبت ولو قلت راي بواحد من البنات وماعجبها كلامي تهاوشني طيب انتي طلبتي رايي وليش ماعطيتي مرة اخوك هديه الولاده خلاص هي جابت خمسه وعطيتها لعيالها كلهم الا الخامس كان عند ظروف وبعدين خلاص محد يعطي احد بالمواليد كلهم هي مو اول مره تجيب