تعالوا قالوا لي شو نااقصني يا حلوات

اختي لاتنسين تشترين البلاشر " بودرة الخدود " ؟؟؟


وثاني شي اذا تبين كريم لمعه للجسم جربي كريستان ديور عندهم لمعه رووعه مثل لمعه العسل :26:

راح اجاوب لك عن اللوشن
فيه من جرجنز
Soft Shimmer
مررره رهيب يعطيك لمعه ذهبيه وريحته حلوووه

أنا بعد أحب جرجنز اللي بالمسك ريحته ولا أروع :)


بالنسبه لعروسنا الأمورة أولاً ألف مبروك و بالرفاه والبنين ان شاء الله
وثانياً نصيحتي لج لا تكثرين من أدوات التجميل خذي اللي انتي ما تستغنين عنه
لأنه المكياج بالذات كل يوم فيه لون جديد و ماركة أحلى وسعر أرخص وعروض مغرية
وسبب آخر هو انه المكياج لو كان زيادة عن حاجتج وطول عندج يخرب لأنه له تاريخ انتهاء صلاحية


يعني مثلاً خذي كريمين أساس واحد خفيف للاستعمال اليومي والثاني للمناسبات
البودرة واحدة مضغوطه عادية والثانية سائبة بلمعه
البلاشر خذي علبة واحدة تكون بلونين أو أكثر
الآيلاينر والماسكارا وقلم الكحل الأسود اكتفي بواحد واحد من كل شي ماعدا الماسكرا خذيها بلونين أسود وبني أما إذا كنتي سمرا أو حنطية خذي السودا بس
أقلام التحديد خذي منها الألوان اللي تناسبج وتكون مختلفة مب نفس الدرجات اللونية يعني مثلاً : وردي فاتح وغامج بني فاتح وغامج، برتقالي، بنفسجي، أحمر، عنابي
أما الأرواج والآيشادو فخذي منها اللي تحبينه وصدقيني ما بتكتفين لأن كل الألوان حلوة وأنا أنصحج ما تاخذين علبة فيها كذا لون خذي كل لون مفرد لأن الأرواج والشدوهات بالذات تتكرر وايد فما بتستفيدين لو كان عندج اثنين من اللون نفسه
اللمعات والإضاءات بالرغم من انها مب ضروريه إلا ان أثرها شديد في إبراز المكياج خذي الي تحبينه .... أنا عن نفسي أحب ألأبيض المتلألئ و والزهري الفاتح والذهبي


أما العطور فأنا أشوف تكتفين بعطرين وبعدين شوفي إذا تبين منهم مرة ثانيه أو تبين تغيرين على حسب ذوقج
ولتعطير الملابس الداخليه استعملي العطور الخفيفة الفرنسيه لأن الخلطات العربيه المعطرة ممكن تسويلج حساسية وبعدين تغير لون ثيابج وفوق هذا كله ريحتها قويه أكثر من اللازم

أنا يوم عرست ما كثرت من هالشغلات واكتفيت باللي عندي وبعدين بعد العرس قمت أتشرى ..... يارب أكون فدتج وأي سؤال أنا حاظرة أجاوبج عليه

اول شئ مبروك .....

انا انصحك تشتري عطر جولسي اند جبانا القديم..غطاه لونه احمر...روعة وينفع لاول يوم...ريحته تجلس وقت..وراح يموت فيها خطيبك انا متاكدة....

وبالنسبة للمكياج انا افضل انه يكون عنده علبة الشدو الكبيرة الي فيها كل الدرجات ..اول شئ توفير تاني شئ ما تاخذ مكان عندك..وتلاقينها في كل مكان في الرخيص وفي الغالي... ميك اب فور افير فيه انتي تختارين الالوان وتحيطنها كلها سوى بس سعره مو رخيص.....
انا جاتني مثل هذي العلبة هجية من مكياجي والله رووووووووووووووعة لو فيه عنده شوفيها...


شئ تاني الارواج اهم شئ يكون عندك الوان اساسية ..مثل( البيج_ الاحمر_ الزهري) بالنسبة ليا هذي اساسية...

وشوفي انتي ملابسك اغلبية الوانها...وجيبي روج مناسب ..

شو كمان.............انا احب العروسة تكون مميزة شويا حلو لو استخدمتي مسكارات ملونة للرموش مثل الازرق التركواز حسب مكياجك... او تحطيه مع قلم كحل ازرق...بيكون شكلك حلو وغريب..مو كثير يحبون يستخدمو المسكارات الملونه..

وبالنسبة لتعطير املابس الداخلية..روحي لاسنزا يجيب خرابيط حلوة يمكن عنده...جربي!!

هذا الي حاضرني دحين.. انشاء الله افدتك مع اني ما تزوجت بس عندي افكار...لو ودك اي سؤال انا حاضرة على الخاص..



والف مبروك..وعقبال الجميع انشاء اللله

نسيتي كريمات العنايه ومزيل المكياج والغسول اعتقد هذي اهم من الميك اب وهي بشكل سريع
ملك منظف
غسول
تونك منقي
سيروم مقوي للبشره
كريم مرطب نهاري
كريم لمحيط العيون
وكريم مغذي ليلي
وقناع
وسكراب للبشره
ومرطب وسكراب للجسم
وسلامتك
واذا انتي محتاجه لمساعده بالماركات ما عندي مانع
ثانكس وبالتوفيق