تعالوا قولي لي كيف تنظمون وقتكم برمضان :)

رفع


سبحآن الله وبحمده000سبحآن الله العظيم

اهم شي لا تضيعي وقتك هذا شهر القران والبركه رتبي وقتك حسب افراد العائله وخليك مع القران في شهر القران

س-1: ماهي تجهيزاتك اللي تسوينها قبل رمضان
(مطبخك- بيتك - اغراضك سواء لبس او اغذيه )
اذكريها بقائمه

انظف تنظيم عميق للمطبخ و البيت ، لاني برمضان انشغل بقوه ويصير تنظيفي بسيط
اسوي لحم مفروم واحمسه و ابهره واضبطه ويكون جاهز لـ السمبوسه او للمكرونه بالباشميل ..
ابشر جزر واحطه بـ اكياس و عـ الفريزر للحشوات
اجهز طماطم محموس مع بصل وفلفل وزيت زيتون واطحنه / يستخدم لـ البيتزاء ، و المكرونه ، او ازيد عليه فلفل وثوم واستخدمه للكشري
اجهز مقادير عجينه القيمات والفطاير ، كل مقدار عجينه بكيس واربطه واحطه بالفريزر ( يعني احط بالكيسه 3 كاس دقيق + ملعقة خميره + 2 ملعقة حليب بودر + فنجال سكر + رشة ملح ) وكل يوم اطلع كيس و ازيد عليه ماء وزيت واعجن


س-2: يومك الرمضاني متى تبدينه اي متى تصحين ؟
اصحى من الظهر ، واجلس اقراء قران إلى وقت صلاة العصر

س-3: اول حاجه تبدين فيها وتطبخينها ؟

الشوربه + أعجن


ثم اجهز حشوة الفطاير و اطبخ القهوة و الشاهي واجهز العشاء ( اقطع دجاجه مثلا او اكيل الرز او احمس الكشنه ... إلخ )
ثم اشكل المعجنات وادخلها للفرن والف السمبوسه واقليها و يأذن المغرب :)


وبعد الصلاة اغسل ماتبقى من المواعين ثم ارتــــاح إلى بعد صلاة التراويح اجهز العشاء واغسل مواعينه ثم اكمل عمل المنزل :09:



س-4: الاغلبيه ماعندها شغاله قولي لنا طريقتك بتنظيم وقتك بين البيت وترتيبه والمطبخ ؟
المطبخ وقت العصر ، وبعد التراويح عشاء بسيط وخفيف .
و نتظيف البيت يكون بعد صلاة التراويح او في الليل
وباقي الوقت عباده او مع الاسره والحمد لله

واهم شي تكون يدك سريعه في العمل


س-5: لما يجونك ضيوف اكثر من عائله وش اقرب اكله تخطر في بالك ؟

اللقيمات + بف باستري + بيتزاء قطع كبيره + بسبوسه + توست محشي بـ اي حاجه

وللعشاء الكبسه سيدة السفره هههه مع السلطه و الايدام


يعني بشكل عام الطبخات اللي ما تحتاج اني امسكها حبه حبه مثل الفطاير الي تحشيها حبه حبه وزي كذا ،، و اي طبخه عارفه نفسك انك سريعه في إنجازها


س-6:سفرتك الرمضانيه كفطور غالبا مما تتكون وهل هي جزئين ام جزء واحد - وسحورك ايش ؟
فطورنا جزء واحد ، لكن منظمين اكلنا
نبداء بالقهوة وتمر و طبق حلو وماء
ثم عصير و معجنات

السحور .. خبز ومعلبات ، ويمكن نسوي فول او شكشوكه وزي كذا



س-7: اخر سؤال احكي لنا باختصار اطرف موقف رمضاني نختم فيه لقائنا بك

اكثر شي ناكل ناسين
او نعزم شخص وننسى ههههه ، لكن الحمد لله طبعنا بسيطين وحتى لو دخل علينا الضيف فجأه عــادي يأكل من اكلنا و الجود بالموجود ..

موضوع رائع

بالنسبة لي ... اصحة صلاة الظهر .. واصلي .. واجهز للفطور .. اطلع لحمة .. اسوي عجينه .. يعني ترتيبات مبدأيه ... واسوي غدا او فطور لا ولادي الصغار .. بعدين قراة قران .. حتى صلاة العصر .. واصلي العصر .. وادخل المطبخ .. ابدا ارتب واطبخ ...واحاول اختصر الوقت في الطبخ .. يعني شوربة في قدر الضغط .. تجهيز القهوة .. والتمر واغلفه .. واحط الفناجيل ... اجهز نوع عصير .. واحاول اخلص بسرعه .. يعني قبل المغرب بنص ساعه .. اكون مخلصه ... ولو انو الوقت مو في يدنا ...
نفطر المغرب ... تمرة وعصير وقهوة وسنبوسه ..هذي اساسيه .. واي صنف ثاني معاها ... يعني مرة لقيمات ... ومرة قطايف .. ومرة كيكة تمر .. وبس نقوم نصلي .. وخلاص .. ممكن اريح ساعه قبل العشاء .. وبعدين صلاة وقراءة قران .. وبس .. وفوق ذا كله نبقى مقصرين ..