السلااام عليكم ورحمة الله وبركاتة
بنات بطولها عليكم بس ابي افضفض لكم وابي منكم الحل المهم انا من اول مااعرفت الدنيا والناس تعايرني بخشمي اولهم ابوي يقول ام خنفرة وامي تقول خشمك شكبرة واالحين نجي لاخواني طبعا الكبير دايم يفشلني ويقول سوي لك تجميل وشيلي خشمك كله وانحرج حييل ويصير وجهي كذا من الاحراج والعصبيه :mad: واخر موقف معاه اهو الحين امي تدورة له بنت بتخطب له ولقت وحدة عاد ذيك اليوم جالسين وقالت امي لقيت لك وحدة قاله ليكون خشمها مثل اختي والله انحاش ..اما اخوي الثاني كلامه لاذع بالمرة ويتمصخر حيييل يخليني من داخل فتات رماد تحطم ..ودايم يقول اختك احلى منك..وعندي اخت اصغر مني تخييلوا يابنات حواء والله ثم والله انه كل ناس مايعبرون شعوري اذا رحنا زيارة او احد جاء لنا يقولون بوجهي اختك احلى منك واجمل منك وانا انواع الذم اسمع ..نجي لاخواني الصغار مرة كنا جالسين نتغداء وقامت اختي الصغيرة واخوي الصغير يعايروني يقلون ياام خشم وانا انحرررررررررررجت حيييل يم امي وابوي ولا اعرف ارد ابد اذا انقهرت..
مرة كنت جالسة مع عمتي وبنتها وكنا نتكلم على رجال يقرب لنا ومشفت الا عمتي قالت ترا اهو احلى منك خشمه مسلوب ضعيف يالله شقد غثتني مع اني كنت صغيرة بس ماانسيت والله جروح كليتها بسبت خشمي ومن اقرب الناس ..اااه بس
ومرة في المدرسة جات صديقتي وانا وبنت عمي كنا واقفين يم بعض وقالت لنا تشبهون بعض على طول بنت عمي انصدمت وقامت تسحب في خشمها وقالت لا يتهيا لك مانشبه بعض ابدا...اه ياناس لهدرجه انا شينة..
والله يابنات وانا بسادس مسكت سكينة وكنت ناوية اقص بخشمي وقالت تالي يصير حلو ويوقف الدم<<<عقدوني الناس واهلي وقاربي اولهم
بكمل لكم الموقف طبعا مع مختلف الناس الي حولي
مرة كنا رايحين بيت عمي وكنا جالسين وولده كان جالس بالصاله وبنات عمتي يمزحون معه بالكلام وانا معهم طبعا مايشوفنا بس نسمعه ويسمعنا المهم قالهم انتو ويا ام خنافر الي يمكم سكتوا بس..:44:
ومرة صديقتي بالمدرسة بمتوسط تقول خشمك كنة خشم مهرج متين واحمر
وحدة كنت متهاوشة وياه واهي تكرهني لنه صديقتها تجي تكلمني وانقهرت اهي المهم ثاني يوم بالمدرسة وقت الفسحة وقدام كل البنات قالت انتي يالخنازير وقالتها بصوت عاالي انا تمنيت الارض تنشق وتبلعني..:44:وناس كثار بعد بس طولتها عليكم..
وزوجي يعايرني بخشمي وامة وحريم حمايني يابنات حواء لاتقولون ليه ماتردين لنة اول شي فعل خشمي متين وعريض وثاني شي كل الناس عايبوني فيه وتعبت واذا احد جاب طاريه ارتبك واتوتر وانحرج حيييل وهذاي حاله موبكيفي والله مو بكيفي
المهم الزبدة من كلامي بعد تعب نفسي دام لسنوات قررت اسوي عملية بس تكاليفها والدكتوة الشاطر
انا رحت لمستشفى الملك فهد بالاحساء لما سمعت انهم يسون عمليات تجميلية بس الى الان يقولون موقوفه
نفسي اسويها عند الدكتور عبدالله السلمان ..
الي تعرف عنه شي تقولي وترحم حالي ..وبكم يسويها ووين؟؟
soso f @soso_f_2
عضوة نشيطة
يلزم عليك تسجيل الدخول أولًا لكتابة تعليق.
والله ماادري
بس ليه ماتوقفين الناس عند حدهم
هذه خلقة الله يعني ايش اسوي ...ممكن عودتيهم على سكوتك
شوفي يوم تزوجت بعد فترة زوجي كل شوية يقولي انت حلوة وكل شي فيك حلو ووووووبس طويلة
مع ان طولي 158سم مو مرة ذاك الطول اللي يلفت ...طولي مناسب وهو اطول مني
المهم قلت له شوف شي في مااعجبك اقدر اغيره ممكن تتكلم فيه... اخلاقي تعاملي ترتيبي
لكن شي مااقدر اغيره خلقة ربي يعني ايش تبغاني اسوي ..اقص نفسي
بعدها ما صار يتكلم
لاتخلين احد يتجرأ ويتكلم وانت ساكتة
بس ليه ماتوقفين الناس عند حدهم
هذه خلقة الله يعني ايش اسوي ...ممكن عودتيهم على سكوتك
شوفي يوم تزوجت بعد فترة زوجي كل شوية يقولي انت حلوة وكل شي فيك حلو ووووووبس طويلة
مع ان طولي 158سم مو مرة ذاك الطول اللي يلفت ...طولي مناسب وهو اطول مني
المهم قلت له شوف شي في مااعجبك اقدر اغيره ممكن تتكلم فيه... اخلاقي تعاملي ترتيبي
لكن شي مااقدر اغيره خلقة ربي يعني ايش تبغاني اسوي ..اقص نفسي
بعدها ما صار يتكلم
لاتخلين احد يتجرأ ويتكلم وانت ساكتة
اختي انتي مكبره الموضوع وصدقيني المشكله فيك انتي من داخل اتصالحي مع نفسك ومع شكلك وصدقيني لوان خشمك بهاالقبح كان ماتزوجتي من الاساس انا كنت زيك اهلي وانا صغيره يعايروني وشوي واتعقد بس صرت طبيبة نفسيه لنفسي لدرجة كنت احسب نفسي قبيحه لان الاهل مايراعون نفسية الطفل يقولون كلام مايعنونه ومايدرون انه يصدقه ولماكبرت انصدمت ان الناس يشوفوني جميله جدا خليك واثقه من نفسك وخصوصا قدام زوجك
الصفحة الأخيرة
:) UP للفائــدهـ .. :: }