تعالوا كلكم قبل لاينحاش زي اللي قبله

السلام عليكم ورحمه الله

خواتي الصدوقات بعالم حواء انا هنا اخذ رايكم مره ثانيه احس لازم استشيركم قبل اي احد

لانكم تنصحون من قلب وتشوفون شي يمكن مااشوفه

وحده من زميلاتي بالعمل تعرف خطابه وكنت اسولف عليها مره وقلت وين الرجل الله يرزقنا

وراحت كلمت الخطابه ورجعت كلمتني قالت المره تقول عندها رجال وماشاء الله وبالاخر مابيفيد

مدحها او ذمها لازم نسأل المهم كلم اخواني وتقدم وقالوا بنسال عنك وكذا

وسالوا عنه وكلن مدح فيه واخلاق واموره زينه

قال ابي الشوفه الشرعيه وانا خايفه يروح مع اللي راحو قبل وش اسوي ارفض من البدايه

واحفظ كرامتي وامنع احراجات لنفسي جديده والا اوافق

وحتى لو وافقت عالشوفه وربي داخلي انه بيرفض زي اللي قبله

وقاهريني اخواني اقول اسالوه ليه بيتزوج مره ثانيه وش السبب قالوا هذا اللي ناقص نساله

الشرع محلله 4 ودامه قادر ليه نساله تبين توافقين وافقي اما خرابيط وليه ماليه مافيه

(لان مع السوالف وكذا طلعت وحده تعرف زوجته وتقول ملكه جمال وانيقه فمستغربه ليه بيعرس )

طبعا هو متزوج وشكل حظي مع المتزوجين بس هذا اهون انه صغير بعمره ومقتدر عمره 37

محتاااااره حيل وش اسوي ودي اتزوج وبنفس الوقت ماودي اتفشل

لدرجه امي قالت ماعندنا شوفه بيشوف وبيروح زي اللي سبقوه :06:

واخواني يقولون هذا من حقه الشوفه وماتقدرون تمنعونه احس اني ملخبطه وماني عارفه وش اسوي

شوروا علي الله يوفقكم ويعطيكم ماتتمنونه