تعالوا معايا نقولا لا للريجيم ونعم للصحة والاكل السليم

السلام عليكم ورحمة الله وبركاته

اول حاجه لازم نتفق على قاعده مهمه وهي : صحتي أهم من شكلي

بمعنى ان هدفي في نزول وزني هو أنى اكسب صحتي واغير عاداتي الغذائية المضرة لقلبي ودمي وجسمي وأخيرا شكلي

كتير بنقعد نقول ياااااااه الامراض بقت منتشره جدا وخصوصا السكر والضغط ومرض العصر ( السرطان ) وخصوصا عند المرأه ( اللهم أكفينا الشر جميعا ) طب يا ترى ايه لسبب وياترى لو نزلت وزني معنى كده انى بقيت بمأمن تماماً من الامراض دي أكيد لأ

طب ايه الحل؟؟

الحل هو تغيير عاداتنا الغذائية والبعد عن كل ماهو صناعي والعودة لكل ماهو طبيعي بمعنى :

- البعد والتقليل قدر الامكان عن جميع المعلبات بأنواعها
- البعد والتقليل من الدهون المضرة ( السمن بأنواعه " نباتي أو حيواني وخصوصاً النباتي ) ومحدش يقولي طعمه أحلى في الاكل لان صحتنا اهم وان كان ولا بد يبقى التقليل قدر المستطاع
- الاكثار من الخضروات والفاكهة قدر الامكان وخصوصا التفاح ( معروف عنه انه صيدليه متكامله ) والبطيخ الاحمر لانه غنى بالالياف والماء وقليل السعرات وبالتالي بيساعد على تنظيف الامعاء .
- المداومة يوميا على طيق سلاطة خضراء تحتوي على بصله متوسطه على الاقل مع اضافه الخل وزيت الزيتون وقليل جداااااا من الملح او افضل بدون
- المشي ثم المشي ثم المشي أو الحركة الدائمه عموما والنشاط .
- التقليل قدر الامكان عن جميع أنواع المقالي ولحلويات والايس كريم والشيكولاتة التى تحتوي على اقل من 70% كاكاو ودلك لان مضرتها اكثر من منفعتها وان كنتم مدمنين عليها زي حالاتي يبقى قطعه او اتنين بالكتير في الاسبوع او حتى اسبوعين على حسب قوة إرادتك
- الابتعاد نهاااااااائياً عن الوجبات السريعة كلللللللللها لانها مليئه بالدهون الضاره .

أهم شئ انك دايما تبحثى على النت عن فوايد الاشياء الطبيعيه اللى بتاكليها علشان تتشجعى اكتر وتداومي عليها وانتى مقتنعة بفايدتها مثل ( البصل - التفاح - البطيخ - الخس - الكرنب - الطماطم ......إلخ ) وكل شئ طبيعي تحسي انك مياله لطعمة دوري على فوايدة وانتى هتلاقي نفسك بتحبية وبتكليه علشان صحتك مش علشان الريجيم

ولو التزمنا بكلللل اللى قلناه يبقى أكيييييد هنخسر وزننا وفي نفس الوقت نضفنا جسمنا وقوينا مناعتنا وعمرنا ما هنزيد تاني ابدا خلينا نحط قاعده مع بعض

( أكل صحي بكميات معتدلة + حركة كثيره " رياضة أو أعمال منزلية " ) = أن شاء الله حماية من الامراض وشكل جميل واهم شئ وجه نضر

أتمنى يكون كلامي وصلكم واقتنعتوا بأننا بندور على صحتنا قبل وزننا اللى اكيد هنخسره واحنا بنكسب صحتنا