السلام عليكم ورحمة الله تعالى وبركاته
مثل ما انتو شايفين العنوان شاركوني بتسجيل اروع انجازاتكم في بيوتكم مولازم تكون مصورة(لاني ماعرف احط صور):44: لكني بغيت يكون موضوعي باعث لبث الحماس لبنات حواء في تطوير مهاراتهم المنزليه ويكون تفاعل ايجابي بعيد عن التكلف اوالتشكي والسلبية التي الاحظها في بعض المواضيع المطروحة في هذا المنتدى بسم الله وعلى بركة الله ابدا
كنت من فترة قريبة من اللي يعتمدون على الخادمة بشكل كبير وخدامة راحت وخدامة جات طيب وبعدين كبروا بناتي وانتقلت لهم هذي الصفة مو ذنبهم خطاي انا المهم اخر خدامة عندي من رحمة ربي فيني اكتشفت انها (........) وعلى طول سفرتها وحرمتهم على بيتي وظليت فترة طويلة بي مد وجزر مرات اهتم ومرات اكثر اهمال ونكد وتعب نفسي لدرجة اني خلا ص اقول اني مااصلح اكون ام وزوجة وربة بيت واني انسانة فاشلة وظلت هالنظرية تنسج خيوطها على تفكيري كنت اظن اللي يتكلمون عن بيوتهم ونظافتها انهم كذابين وانه مجرد كلام لحد مادخلت القسم هذا لا فيه كثير ماشاءالله تبارك الله من اهتمامهم ببيوتهم واسرهم وازواجهم وان الدعوى ماهي مجرد كلام مكتوب بل صور امامي اشوفها مما دفعني للتساؤل لييييييش انا ماني حرمة زيهم بالعكس لقيت كثيير جدا في مثل ظروفي واقل مني خبرة وسن لكن تفوقوا علي بشي واحد بس هو(حبهم لانفسهم وبيوتهم واولادهم )لاحظت ان فيه حريم بيوتهم عادية جدا لكن تحس بلمستها فيه ويعني ماتبدع الا اللي عدها شغالة قلت لنفسي خلاااااااااااااص يكفي فشل يكفي اعذار العالم حولك تطور وابدع وانت محلك سر وسبحان الله يمكن مايقنعكم كلامي لكن التجربة خير برهان من غيرت تفكيري من ناحية بيتي وبديت اهتم فيه الا كل شي حولي تغير زوجي اولادي بناتي مجتمعي اللي حولي ليش لاني وفرت لهم سبل الراحة والهدوءفي البيت بعد الله عزوجل بديت اول شي ارتب ارجع كل شي في مكانه ارتب بيتي كان احد بيجيني فجاة قلت الزبايل في البيت وبالتالي اقتصدت في استخدام الاكياس قل الضغط النفسي اللي كانت الفوضى تسبب فيه زاد وقت فراغي وصرت اجلس مع اولادي وبناتي لا وبعد اسوي حلا وانا اول يالله اسوي عشان ما ابلش بالمواعييييين
زادت حصيلة معلوماتي بفضل الله عزوجل ثم بفضل هذا المنتدى الرائع واعضاؤه تغيرت حتى نبرات صوتي ونظرات عيني كل شى انظر له بتفاؤل وحب واعتذار باختصار رجعت للحياة بعد موت استمر(..........25........سنة)
يمكن تقولون اش تبين بعد هالعمر اقول لو اوزن عمري اللي فات باللحظات السعيدة اللي انا اعيش فيها ماشاء الله تبارك الله لرجحت كفة اللحظات فالانسا ن ابن يومه
بانتظار تفاعلكم
ورد وفل***& @ord_oflamp
عضوة نشيطة
يلزم عليك تسجيل الدخول أولًا لكتابة تعليق.
نور151
•
الله يقويك على طاعته ثم بيتك وزوجك واولادك ويسر لك امورك يارب ياكريم
ماشاءالله الله يوفقك ويسعدك ويثبتك
لا تقولين وش ابي بعد هالعمر بالعكس هنا هي السعاده
ان شاءالله نتعاون على اسعاد بعضنا وافاده بعضنا
لا تقولين وش ابي بعد هالعمر بالعكس هنا هي السعاده
ان شاءالله نتعاون على اسعاد بعضنا وافاده بعضنا
الصفحة الأخيرة