من زمان وانا عايزه انزل الموضوع ده والحمد لله اخيرا نزل
وهو كيفيه ادخال الكروشيه على خامات اخرى مثل الجلد والشمواه او اي خامه ما بتنسلش زي اللباد مثلا
ومن هذه الطريقه ممكن نعمل قطع كتير ملبسيه او للديكور او حتى شنط يعني الافكار كتير جدا ودي عينات لبعض الاشكال اللى هنتعلمها وبعد كده نبقى نصمم الموديل اللى عايزين نعمله ونستعين بطريقتهم
الشكل الدائري
الشكل المربع
الشكل المثلث
بس دي بعض النماذج اللى جهزتها للموضوع
المهم البدايه تكون بتجهيز الادوات وهي
زي ما شايفين في الصوره محتاجين
قطعه جلد صناعي او طبيعي زي ما انتي عايزه
ابره كروشيه -خيط كروشيه
خرامه للجلد -مسطره -سطح يصلح للتخريم عليه
اولا : الشكل المربع :
نرسم الشكل المربع بالاطوال اللى عايزينها
نبدا اول خطوه بعمل علامات على ظهر الجلد بالقلم الرصاص للاماكن المراد التخريم فيها
ويكون كالاتي ندخل للداخل من طرف الشكل نص سم ونعمل نقطه في كل كورنر في الشكل المربع وبعد كده نقسم المسافه بين كل نقطتين بحيث تكون اسم يعني بين كل نقطه والتانيه 1سم كما في الصوره
نبدا بتخريم النقاط
حتى ننتهي من الشكل كله
بعد كده نشبك الخيط في فتحه من فتحات الزاويه
ونعمل 3 غرز سلسله تحسب كاول عمود
نعمل غرزتين عمود كمان
وبعدين عشان الزاويه تكون مرتاحه نعمل 2 غرزه سلسله لاحظي ان الشكل المربع بيحتاج فقط 2 غرزه سلسله