جـــداويـــــــــة :

السلام عليكم و رحمة الله و بركاته .. أختي ][§][-~المتغـلية ~-][§][ .. كيفك يا قمر ؟؟ طيب إذا إنتي تعرفي ترقصي أو عندك أفكار ممكن تساعدها قوليها :) و أنا والله أسمع كتير أشكال و ألوان من صاحباتي :23: بس فيه أشياء أنا مرة أستحي أسويها و أستهبلها أصلا :35: لأنه أساسا جوز عن جوز يفرق .. و إللي يعجب أي راجل مو شرط يعجب جوزك !! و فيه ناس يحبو يسوو تهااااويل و أشياء و خرابيط كتيرة و أنا مالي خلق في دي الأشياء :09: أحسها تضييع وقت و فلوس و تفكير و مجهود عالفااااضي !! و حلو إنك تسأليه عن إللي يعجبه سواء بطريقة مباشرة أو غير مباشرة .. أو تنتبهي له لمن يتفرج عالتلفزيون أو مجلة أيش إللي تحسيه يلفت نظره :32: و مافي أحلى من العفوية و البساطة و أهم شي أهم شي النــــظافــــــــة !! يعني كوني نظيفة و مرتبة و ألبسي و أتزبطي يوميا و لا تهملي نفسك أكبر و أهم شي !! و مع لبسك اليومي تسوي حركة مرة بسيطة تلفت النظر كل كم يوم من باب التغيير .. و لا مانع من التجهيز لمناسبة خاصة كل فترة و التانية .. بس مو كل يوم و كل أسبوع و كل شهر زي ما فيه بعض البنات يفكرو .. و بعدين يتحطمو و يزعلو لمن ما يلاقو النتيجة المتوقعة :06: بس إذا تبغو من الأفكار أم التهاويل أقولكم ؟! بس هي من نوعية الأفكار إللي مالية المنتدى .. حقت : أشتري شرشف .. أشتري لحاف .. أشتري فستان .. أشتري قميص .. روحي صالون .. أشتري كيكة .. أشتري هدية .. أشتري بطيخ .... إلخ !! و أنا مرة ما أحب دا الشغل يعصبني :angry2: و بعدين إنتو تبغو أفكار إقتصادية و هادي الشغلات كلها صرف فلوس :o تحياتي .. جــــداويـــــــة

السلام عليكم و رحمة الله و بركاته .. أختي ][§][-~المتغـلية ~-][§][ .. كيفك يا قمر...