ليش ما تحطين روابط الموضوعات هنا عشان نقدر نشوفها

سويتها قبل فتره لكن مو كل أسبوع
قسمت البيت على خمس أيام المجالس حقت الرجال وبعده المطبخ وبعده غرفه النوم
وبعده الصاله وغرفه الحريم
والحمامات اخر شي حسيت براحه فظيعه
لكن بعد يومين بالزبط رجع البيت انعفسسسس 😭😭😭💔💔💔💔💔💔
مع اني انظف واغسل اول بأول بس مدري ليه أحسه مكركب نفسي انظف شي ويطول
انا انظف اليوم أجي ببعد يومين المكان معدوم
مع اني والله م اجلس فيه كثير ولا عندي احد بس انا وزوجي يعني

شطيتيني

ياحبي للمواضيع هذي ، انا عني نومي ملخبط الله المستعان ووقتي متلخبط اكثر مايتوسخ عندي المطبخ والحمام وباقي البيت نظيف ، لان باقي ماعندي اولاد
طريقتي بالتنظيف اني يوم بالاسبوع امسك البيت كله وانفضه انظف المجلس تنظيف عميق واحيان باقي الشهر بس امسح الغبار عليه اذا محد جاني يكون نظيف وكل يومين ثلاث افتح الشباك اهوي الغرفه واذا بخرت البيت ابخر المجلس عشان مايكتم ، الحمام يوميا انظفه اشطفه ومرا بالاسبوع انظف الجدار وانظف تنظيف عميق المطبخ كل يوم تنظيف عميق 🙂😂 الثلاجه مالها وقت معين يدي فيها بالتنظيف وقبل اجيب المقاضي الشهريه امسح الثلاجه بخل ابيض وبيكربونات الدولايب كل فتره وفتره امسحها فطول السنه نظيفه والباقي بشكل يومي صحون وتمسيح فرن وشطف الارض ، غسيل مرتين بالاسبوع يوم لي وللشراشف واشياء البيت ويوم لزوجي . والكوي ثاني يوم ، المهام ممكن تكون كثيره متعبه لكن الحمدلله عشان يدي بالبيت على طول مااتعب وماحب نظام الجداول لاني شخص ملول ..

انا مثلك والله عجزت اطبق هالنظام
احب اخلص مره وحده
مع انه تعب بس اتشتت اذا قسمت
انتظر المواضيع بهالخصوص وانا معاكم
وكالعاده مواضيعك دايما تحمسني واحسها من قلب عشوقه
شكرا لك وعلى الاثر الجميل اللي تتركينه حبيبتي