خلوني أقولكم عن اللي سويته لبنتي في هذا العيد
شريت لها بدلتين فخخمه عباره عن قطعتين ، تنوره وبلوزة
الاولى التنوره قصيره كلوش شيفون تفاحي وفيه ورود وردي ،، وبدي ماسك مخطط تفاحي ووردي كت والصدر مصكر وفوقه بلوزه قطن وردي خفيييف تفاحي تتسكر من جنب وفيها من عند الصدر اليمين مثل البروش مثل قماش التنوره على شكل ورده والجهة الثانية بس من تحت..

والبدله الثانية تنوره شيفون نيلي مع وردي فيه شك بسيط نفس الالوان بالاضافه للون البرتقالي ،، والبطانة وردي... طبعا القماش هندي...
والبدي سترتش وردي علاق
والقميص نفس قماش التنوره بس موديلها الخصر ماسك ويتسكر بأزارير والصدر وسيع وصاير مثل 7
مادري فهمتوني او لأ...وعلى الحواف خرز وردي ..
وفيه وردين على الخصر برتقالي طايح منها كلفتين بسيييطه وردي..

المهم اني توهقت مع الشوز .. أبيلها شي بفخامة البدل
ما حصلت الا صندل مرتفع شوي وردي وله شرايط ربط...
شسوييييييييييت عشان غصب أطلعه مع البدل؟؟

رحت محلات الكلف وخذيت نفس شرايط الشوز تفاحي ،، وسماوي...
مع البدله الاولى دخلت الشرايط التفاحي مع الوردي..
وثاني يوم دخلت السماوي مع الوردي ....

وانا بمحلات الكلف ،، خذيت مترين شرايط عريضه مخمل تفاحي ،، ومترين سماوي
وخذيت ورود تفاحي وورود وردي،،،،
وورود جايه مع بعض وردي وبرتقالي وسماوي.... صدفه سبحان الله نفس لون البدله2
طبعا كل الورود صغاااااار

ورحت الخياط وخذيت بنتي معاي وخليته يفصلها لي اسواره ،، وربطة شعر ،، وعلى الرقبه
والورووود بالنص ... وتتصكر باللزق تشك تشك ...
الشريطه التفاحي مع الورود التفاحي والوردي
والشريط السماوي مع الورود الوردي والبرتقالي....
ان شاء الله فهمتوني


وطلع الشكل واااااااااااو...

والله شكله واو من جد ذوقك مره حلو اذا زي ماتخيلت وتحبين الفخامه

الوانك مره عجبتني

انا بقولك وش سويت في العيد
العيد عيدين شئ رسمي وشئ جمعه خفيفه
فالجمعه الخفيفه انا من زمان شاريه تنوره بحاريه مع بلوزة من ايكس لطيفه مو مره فخمه طبعا ازرق وابيض واحمر وكانت كلها 150
طلبت لها من قمبوري قبعه وشنطه وساعه ونظاره شمسيه كلها بحريه ولبستها كيلون شفاف وقفنا عن الجزمه طبعا دخت خاصه اني عندي يومين بس للسوق زوجي محدد والازم اخلص شريت جزمه ما اقتنعت فيها بس طلعت حليوه

العيد الرسمي
شريت فستان دونا كارن مشجر وردات سماوي واخضر اكيد اكثركم شافه
وجبت طوق بلمعه سماوي وركبت عليه وردات طلع كيوت مره
وشريت شنطه من فيث صح للكبار بس حجمها مناسب عندي ربطه فيها ترتر مره شكلها حلو قصيتها وركبتها عليها
وكيلون لحمي بلمعه
والجزمه شريت من اكسسوريز فلات الي فيها ترتر وفيونكه سكري بس كان شكلها يجنن حتى يوم خلص العيد الخفيف وغيرت للضيوف الرسمين كل اهلي يقولون من هذي بنته (تغيرت عليهم)
مع ان الفستان قطن واسبور شوي بس مره يهوس
فكرت اشتري اكسسوارات بس قلت لا البسها ذهب احسن
واوفر قيمه الاكسسوار (اموت فرح اذا وفرت لو قرش )
وبس احس طلع شكلها مافيه تكلف خاصة عيدنا مو كبير مره يعني نفس جمعتنا الي كل اسبوع
وبنفس الوقت فرحت وقضينا
اما الولد طبعا ثوب وشماغ شاله قبل مانوصل وغيار بدله من نكست مره عاديه وبس

مشاء الله عليك ،، وبالعافية على بنتك ....

انا بنتي بصراحه احب اهتم فيها أكثر من نفسي .. خصوصا في الأعياد..
أولا .. لأني ساكنه مع اهل زوجي ،، يعني البيت الكبير ودائما يوم العيد بأكمله يكون عندنا ..
ثانيا .. بنتي جت خديج ،، وألحين عمرها 4 سنوات ... ودائما محط أنظار العائله الكريمة وخصوصا ان جدها وجدتها معطينها مكانه غير بقية الاطفال...

واحب اهتم في شكلها حتى بالبيت ،، اتوقع الضيوف بأي لحظة ،،
وحتى الاكسسوارات اخذها من الغالي والرخيص ،، اهم شي يكون مناسب مع اللبس..

اما الولد ،، أحس اني ظالمته شوي... اذا بأبدع له شريت له لبس 3قطع...
وكب وساعه..
واحس افخم شي يبين على الولد الشوز .... احسه نص اللبس؟؟ من مثلي يحسب له حساب؟؟

اما هو في العيد لبسته ثوب مع سديري مطرز بخيوط ذهبي من الكويت ونعال كويتيه .. وطاقيه ذهبية.. وطلع اسم الله عليه .. وبعد الغدا غيرت لهم اللبس...
حمواتي انجنوا على الولد ،، يقولون حرام معلم شاورما لابس ثوب:angry2:

البنت ابد ماتحتارين لافي اللبس ولا الكماليات ..
بس الولد:( تطلع روحي لين اقتنع بشيء...

UP

الله يخلي لكم اطفالكم إن شاءالله ..
وعقبال ماتفرحون فيهم ..:)

ولديٌ نقطه وهو انه لازم احنا نعود بناتنا على اللبس الساتر علشان ماتتعود على العاري لماتكبر..