تعالوا نتناقش بالمناهج؟؟ الكل يدخل ويعطينا رايه

996699تعالوا نتناقش بالمناهج؟؟ الكل يدخل ويعطينا رايه

السلام عليكم ورحمه الله وبركاته

اول شي كلامي كثير معليش تحملوه
طبعا كثر الكلام بموضوع المناهج ومو هذا اللي خلاني اكتب هالموضوع انا حاسه ان المناهج ناقصه كثير

لاني ماني متخيله ادرس عيالي بمدرسه من مدارسنا بدون مااجيبلهم مدرسين برى يعلمونهم حاسب وانجليزي .................> اول تزوجي
في الدول الثانيه يروحون بسيديات وحنا شنطه مليانه ومجرد ماتنتهي السنه كانهم مادرسوا شي هذا مايدل ان فيه خلل لاحظوا ان ثقافه عيالنا من التلفزيون والبيت بس
في اشياء كثيره المناهج محتاجتها والاطفال محتاجينها مثلا
ليه ماعندنا مناهج عن فن التعامل في القران والسنه
طيب ليه ماعندنا مناهج بالثانوي عن الحياه الزوجيه وطريقه التعامل مع الطرف الثاني والاهل
ليه ماعندنا انجليزي من اول ابتداي
وحاسب مثلا من ثاني يبدون بالتشغيل والرسام وثالث ورابع الوندز وخامس الوورد وسادس الاكسل ومتوسط الفلاش والفوتوشوب والثانوي الصيانه والحمايه مو هذولا لغات العصر
وليه مافيه مناهج عن صيانه الاجهزه والكهرباء
وليه مافيه مناهج عن الاسعافات الاوليه؟
اغلب مناهجنا نفس الكلام ينعاد من سنه لسنه ويزيدونه كلمتين ثلاث صح ولا لا ؟؟
وبعد ليه مافيه حصه رياضه للبنات كل الدول فيها حصه رياضه لو فيه عشر دقايق رياضه قبل الطابور كان استغنينا عن هالاجهزه والرجيمات والمشكله مو بالجسم الرياضه مهمه للروح قبل الجسم

وماتلاحظون ان كثير من الشعب ماعنده طموح ماتوقعون هالشي من الاشياء اللي المفروض المدرسة تغرسه فيها

كلنا نحس بنقص بالمناهج بس المشكله عشان نقرر بيبلنا عشر سنين وعشان نفذ عشر ثانيه ونتفاجا ان فيه اشياء كثيره مو ملحقينها
ملاحظة:
بالمقابل هناك ايجابيات بالمناهج يجب ان نغفل عنها وهو المواد الدينيه المكثفه .

ياليت كل وحده تدخل تكتب لنا
1- وش رايها بالمناهج؟
2- وش المناهج اللي ودها تحذف ؟
3- وش المناهج اللي ودهم يكثفونها ؟
4- وش الاضافات اللي تبيها للمناهج

ملاحظة::
بعد مانكتب اللي نحتاجه بنرسل هالكلام للوزاره والمنتديات حتى نفعل الموضوع اكثر ويكون له صدى


{ ياليت الكل يتفاعل }