تعالوا نتناقش: هل كل بنت تقدر تكون انيقه ومرتبه؟؟

مساءكم جوري وأنوثه وأناقه وكل شي حلو
أخباركم ياحلوااات

حبيت افتح هالموضوع عشان نفيد بعض ونكون دائما باحلى طله
طبعا الفكره ماجت ببالي كذا من الباب للطاقه لا

الاسبوع اللي فات جتنا موظفه جديده
تبارك الله لاقوه الا بالله (اذكروا الله يابنات)
البنت جمالها عادي جدا لكنها مررررتبه مره وانيقه
الشعر مرتب ومستشور مافي شي طويل وشي قصير الريحه حلوووووه المكياج ثابت الاسنان نظيفه اللبس حلو ومرتب

بصراحه احيانا البنت الانيقه تكووون احلى بكثير من البنت اللي بطبيعتها حلوه بس ماتهتم وانا للاسف من هالنوع

جلست افكر ابي اكون انيقه ومرتبه بس وشلوووون تعبت
انا اشوف ان اهم شي ان الوحده ترتب شعرها بشرتها تكون حلوه وجسمها برضوا يكون مناسب تختار الملابس الحلوه اللي تناسبها
مااخبي عليكم حاولت اقلدها بس للاسف ماقدرت يعني ماادري ماتعودت اني اشوف المرايه واضبط مكياجي ولا تعودت ان استشور شعري كل يوم لا واذا استشورته كش بعد مع انه الحمدلله ناعم بس مايطلع شكلي مرتب مهما حاولت ارجع من الدوام الاقي الكحله سايحه والروج مختفي والكشه طايره:44: وه بس وه يالبى قلبي :27:

عشان كذا قلت خل نتناقش كيف تكون الاناقه وكيف نحافظ على اناقتنا ؟

بانتظاااااركم وحياكم الله مقدما:27: