تعالوا نجمع ونجتمع ونقول اللي فادنا من الخلطات واللي ما فادنا (لتبادل الخبرات)

اختى انا طرحت نفس الموضوع مرتين من قبل و للاسف يادوب كام رد شوفي تجربتي

http://www.hawaaworld.net/showthread.php?t=321649
http://www.hawaaworld.net/showthread.php?t=319087
http://www.hawaaworld.net/showthread.php?t=297990
http://www.hawaaworld.net/showthread.php?t=275583
http://www.hawaaworld.net/showthread.php?t=274141

بقولكم عن تجربتي ..

أنا ولله الحمدالله شعري واااااااايد ناعم بس كان خفيف _ كان فعل ماض _ المهم ما خليت خلطه ما جربتها من زيت الجرجير وغيره ..

بس عقب قريت عن خلطه قلت خلني أجربها وهي الله يسلمكم تاخذين علبة زيت البراشوت معروف في الجمعيات وتحطنينا فنجان حلبه وتحطينها مع الزيت وتخلين الزيت فالشمس لمدة 3 ايام وعقب تستخدمينها في الأسبوع 3 أيام تقريبا والأحسنأنج تنامين فيه ..

والحمدالله شعري واااااااااايد طولان وبعد فيه لمعه ..

وبالنسبه للشامبو أستخدم شامبو أعشاب الهملايا أكثر عن رااااااائع ..

والحمدالله ..

وهاي تجربتي ..

الخلطات لي ناسبتني هي:

للتقصف والجفاف: موزه مستويه – 2 م عسل- 2 م سدر- صفار بيضتين- 2 م قهوه عربيه
من اول مره راح التقصف 90% ونعم شعري
طبعا تخلطينهم فالخلاط وتظيفين شوية ماي عشن ينخلط... وممكن تضيفين حنا

لتطويل الشعر: زيت باراشوت فادني فالطول لكن جفف شعري فخلطته مع مجموعة زيوت
وهم طبعا اللوز الحلو اهم شي للنعومه ..والخروع وزيت الزيتون
حطيتهم بالتساوي بس زيدت جوز الهند طبعا خذت القوطي الاخضر امي يابته لي
وكلهم حلوين هو وبرشوت.. واضفت قلييييل من زيت البصل وحبة السودا
وثلاث خمسات عشن حراام افرهم وكان باقي منهم شوي.. حللوه الخلطه

زيت عافيه بروحه عطاني نعومه ولما حطيت معاه حلبه غير مطحونه سخنته عالنار
غلظ شعري وجففه وشويه طوله..بس ماستمريت على هالخلطه واايد..

السدررر..مستحيل استغنى عنه يغلظ ويطول بس للأسف يجفف احيانا اغسل شعري به
واحيانا احطه مع خلطات..لكن روحه لأ ماناسبني خلى شعري لييييفه
بس هو وااايد حلو للفروه عالاق مره فالاسبوع تحسينه يخلي الفروه تتنفس

في باراشوت والياسمين في علبه شفافه هو مثل تونك بس انا ازيت به شعري احيانا
حلو بس ريحته صدددق هنديه

دابر املا..اكثر زيت طول شعري بس اول مره استخدمته طيح شعري وعقب عادي
تعودت عليه..لكنه يجفف اذا خليته مده طويله..حده ساعتين او ثلاث

واكتشفت ان كل الزيوت ماعدا زيت اللوز اذا تخلينهم مده طويله يجففون اما اذا ساعتين الى 4
او 6 ساعات عاادي يطلع اوكي..


الشامبوهات..بانتين اول شي حلو بعدين لاباس به..دوف اول مره اتجننت عليه ينععععم
بس بعدين سبب لي قشره على خفيف..فكنسلته احسه يخرب الفروه يمكن حاطين
فيه كريم...سلفكرين روووووووووووعه ..جارنير حلو ينعم بس مايطير الزيت عدل
لوريال الاصفر خطييير خصوصا الكريم... صحت بالسدر او البابونج يجففون واايد

نيجي للكريمات ... خخخخخ خبره فالزيوت والشامبوهات والكريمات فأرة تجارب مستويه
باراشوت روووووووعه اللي للشعر الجاف بس احط شويه وينعم

هيمالايا..بالبروتين حلوو وخفيف وكلهم ريحتهم زينه

سانسيلك ابدااا ما ناسبني اللي بالبيض...بديل الزيت حلووو بس حطي قليل منه

حمام الزيت Berry well احلى شي جربت مال الحصان روعه بس ريحته مب حلوه
وجربت اللي بالفواكه ينعم وريحته حلوه..
وبسس هذا لي يحضرني

اهلين ..
زيوت ناسبتني :
زيت الجرجير - زيت اللوز - زيت السمسم..
اما زيت الزيتون نشف شعري ..

زيت تمنيت استعمله بس صرفت نظر:
زيت الحية (اللي بالكيلو) لان العطار قال انه ماينفع للشعر اللي انصبغ او اتملس وانه يحرقه بالاضافة الى ان اختي الصغيرة تقولي انه نفسه زيت الحشيش.. بالعربي كثر الكلام حوالينه

خلطات:
زيت عافية المنقوع بالحلبة خلطة راااااااااااااااااااااااائعة .. عيبها تسيب ريحة بالشعر ..
سدر + صفار البيض + مايونيز احطها بشعري 3 ساعات ..روعة بس تنشف الشعر ..
بعد الخلطة حق السدر بيومين عشان يرتاح الشعر ادهن شعري بزيت السمسم اللي ينااااااااااااسبني ..

خلطات افكر اجربها ..
خلطة زيت عافية مع الفلفل وصفار بيضة ..
زيت باراشوت منقوع بفنجان محلب مطحون ..
وراح ارجع لمنقوع زيت عافية مع الحلبة بالعطلة لانه اثره روعة ..

اقول من كل قلبي الله يجزى كل الخير لاي بنت تكتب وصفة استفادت منها عن تجربة وحبت تفيد غيرها ..

عطر

السلام عليكم
انا بعد ما خليت وصفه فالمتدى ما جربتها ما احس وايد تغيير يمكن لاني ما استمر على الخلطة اكثر من شهر
وشعري طبيعته جاف وخفيف
ومن سنتين واكثر وانا تاركة الاصباغ والقص
ويااااااارب شعري يطول ويغلظ وكل اللي عندهم مثل امنيتي يارب تتحق آمين

الكاشخة
يزاج الله خير لاني اليوم حطيت حلبه في الزيت اللي عندي ووديته فوق السطح لكن ما كنت عارفه كم يوم اخليه فالشمس يعني 3 ايام كفايه
واشكركم خواتي اللي ذكروا الاشيا اللي فادتهم
بعد حبيت اقولكم اني استخدم حاليا امبولات فيشي بعد الحمام واتمنى انها توقف التساقط