صرااحة لو عندي ملايين ما اشتري حذاء ب1200. رياال .

في ب200 و 300 و شزينهم و ارخص بعد

:السلام عليكم ورحمة الله الله يجزيج كل خير اختى والله حطيتى ايدج على الجرح انا كل شهر راسى يفتر من الميزانية انا ميزانية البيت ومصروف الجهال بيدى بس ماعرف اوفر تعقدت خصوصا من الجمعية ماكلة الاخضر واليابس بس فية فكرة حلوة الحريم الحين طايحين فيها وهى الجمعية عارفينها بنات يعنى مجموعة حريم ثقة جيرانج خواتج حمواتج كل شهر نتفق على مبلغ نحطة وكل شهر تاخذة وحدة وبهالطريقة نوفر مبلغ للبيت او لحاجة فى نفسنا نشتريها بس شتقولين باللى لاجا نص الشهر رازة وجها عند رجلها تبى قريشات مصرف للجهال :29: تكفون بنات اللى تشترى بالكراتين اغراض الجمعية تعطينا فكرة شنو مثلا اقدر اجيبة بالكراتين ترى انا قوطى بهالسوالف:06:نبى مثل طريقة مدام كورى الله يعطيها العافية وومدام كورى اذا تعرفين موقع الميزانية حطية ماعليج امر

مشكورة على الموضوع الحلو والمفيد..
الدانة هذي بعض الأفكار للتوفير في الأغراض المنزلية..
الحليب خذي نوعين نوع من الرخيييص مرة لعمل الكيك والحلويات و... ونوع آخر من الجيد هذا للشرب وللأطفال ..
-بعض المعلبات مثل القشطة والجبن وال.. اللي كثير استهلاكها خذيها بالكرتون اوفر,,والأشيا سريعة التلف مثل الخضار هذي خذيهابكميات قليلة جدا ولا تدفعين فلوسك في شيء يتلف بسرعة.
-وكذلك الدقيق والسكر وما شابهه خذيها بالكيس الكبير مرة ..
-قبل ما تطبخين شوفي الموجود اولا ثم أضيفي أي أكل يكمل الوجبة ..وكمان شوفي بقايا الخضار والمعلبات في الثلاجة مثل القشكة والحليب السايل و.. وخلي طبخك استفادة منه يعني مثلا إذا باقي خضار مسلوقة بالثلاجة اعملي شوربة خضار بدل من الكويكر .. وهكذا .
-خصصي يوم فقط بالأسبوع لشراء حاجيات المطبخ (الاكل) ,,والأفضل انك ما تروحين بنفسك لا ارسلي الطلبات مع اي أحد يجيبها لك .لأنك لو رحتي بتشترين أشياء مالها داعي ولا كنت تفكرين تشترينها وممكن تروحين بس مرة بالشهر عشان تشوفين الجديد (حل مرضي).
إذا رحتي تتسوقين خصوصا في المراكز اللي سهل فيها الشراء _مجرد وضع الحاجة في السلة وبعدين الحساب آخر شيء)لا تاخذين معاك فلوس كثير طبعا عشان ما تضطرين لشراء حاجات زايدة ..]- اختاري النوعية الجيدة من الملابس وكل شيء حتى لا تتلف بسرعة ,, وكذلك الملابس اللي تخافين عليها غسليها على يدك لأن الغسالة احيانا تتلف اللبس من أول غسلة ..
-قبل النوم تأكدي من إطفاء جميع الأجهزة ( التلفزيون والماكروويف و..غطفاء تام لأنها تستهلك جزء من الكهرباء)والأنوار..
-مسحوق الصابون خذيه بالكيس الكبير (أوفر بكثير) وما تخافين يخرب وخي كذك من النوع الرخيص لغسيل دورات المياه والتنظيف العادي للأشياء .
الصابون السايل خذيه بالجالون الكبير وعبي في الصغار ولا تجلسين كل شوي تشترين علب بخمسة ريال ..
_المناديل يباع بالكيس اللي بدون كراتين عرفتوها؟؟هذي أوفر بكثير بس عاد إذا جاك ضيوف خي من الكراتين .
هذا اللي على بالي وإذا تذكرت شيء بارجع لكم .:55::55:

والله الموضوع روعه ..جزاك الله خير مدام كوري:)

هلا بنات..
مشكورات على المشاركه...
الحين نبي نعطي نصايح وخبرات لبعض..
يعني احيانا انا افكر ...الف مره قبل لااشتري...احتاجه ولا مااحتاجه؟؟
ولما اشتريه افكر ..صح ولا غلط؟؟
مشكلتي انه فيه فرق بين البخل والتوفير..
فررررررق كبيييييير
مثلا..
انا دايم اشتري لعيالي ملابس ....اجدد لهم باستمرار..
اليوم رحت للسوق وفكرت...
هل ضروري اني اشتري فستان لبنتي(شفته وعجبني)؟؟
هو تبون الحق مو ضروري ...

لكن تجديد!

يعني عندها فساتين عاديه كثيييير
لكن الكشخه عندها 3 ...
اشتري واحد ولا لا؟؟
صراع مع نفسي...
قدام الناس وتحديدا اهل زوجي ..تلبس شي جديد..
وارجع اقول..
بس عندها ثياب كثير ماله داعي ...
دايما اتناقش مع نفسي..
واخرتها اشتري...
بس هالمره ماشريت:21:

هنا الفكره..
انا مااطمح اكون بخيله ابدد
لكن ابي الصح..


لما اشتري مواعين..
اقول عندي كثيييير
بس
تجديد!
قدام الناس<<ماذابحنا الاهم
فهمتوني؟؟

ياللا افكاركم...وهل انتوا مثلي؟؟


الاخت اللي سالت عن الموقع اعتقد اذا انا مو غلطانه انه موقع الدكتور السويدان:)