تصدقون عاد اني اعرف وحده راتب زوجها 14000 ريال تصرف منه 7000 فقط ويوفر زوجها الباقي اقسم بالله يا بنات انه تزوج عليها وحده بسن بناته

المهم لا تضيقين على نفسك بزيادة علشان التوفير ولا تكونين مسرفة واستغني عن المصاريف الزايدة اذا كانت تأثر على المصاريف الأساسية

والله أفكار ممتازة أنا ممكن اعطي نصائح لكن ما أطبقها لأني لا أستطيع وتخيلوا بدبي نحسب حساب كل شي لكن مجرد ما نطلع أي سنتر ندفع على الأقل 200 درهم عشاء وقطعتين ملابس للأولاد.


أنا جربت قطع العشاء من برا لا برجر ولا بيتزا والنتيجة ............. توفير وتحسن صحة الأولاد لأ ونورت وجوههم وصارت خدودهم حمراء.


العصير مال الروابي ومرموم والذي منه فقط يوم بالأسبوع لما نروح الجمعية يعني 10 ليتر فقط .

الخس كنت أرمي بالزبالة نصف الخسة صرت أغسلها كويس وأنقعها بالماء وتنظف.

تصدقون انه محارم الحمام الكلينكس كنت أشتري كميات من أرخص نوع وأستخدم كميات فوق الحاجة ثم جربت مرة أرفه نفسي واشتريت أغلى نوع معطر وفرنسي من الكارفور وطلع أوفر تصدقون هالحكي ؟؟؟؟؟؟؟؟؟؟؟

أحيانا لما تشترون الغالي يطلع أوفر لأنك تستخدميه باقتصاد بدون تبذير.

اشتروا للأولاد أحذية غالية جدا 200 ريال تدوم وتدوم وصحية للأطفال ولا تشعري أنك تريدي تغييرها كل شهرين أو ثلاثة !!

صرت أشتري عبايات أم 400 ريال وألبسها وأحافظ عليها وأغسلها باليد وما أمل منها لأني عارفة قيمتها.

بنات صدقوني أكل المطاعم يجب إلغاؤه كان ماخذ مصروف كبير.

لكن مع هذا أعود وأصرف وأصرف .

الصراحة موضوع حلو . وجاي بوقته . و اشكر الجميع على هذه الأفكار . بالنسبة لي ان راتبي تسع الاف ريال . و رصيدي صفر في البنك . البنك يأخذ خمس الاف ريال للقرض . اعطي الوالدة خمسمئة ريال . قسط سيارتي الف ريال . تستقطع الوزارة ثلاثمائة ريال لصندوق التقاطع . كذلك لدي سلفة الوزارة بمبلغ خمسمئة ريال . و الباقي يذهب للبس و هدايا المواليد و الزواجات . ساعدوني بلييييييز .:44::44::06:

اكتبي اغراض السوق والتزمي فيها التلفون الثابت شيلي الصفر واستخدمي البطاقه كذ بتكون السواليف للاشيا المهمه فقط الاغراض الي يجيبها زوجك اكتبي له العدد مثال 2قشطه الخبز ثلجيه الخضار الي تتثلج ثلجيها عشان ماتخرب الشغالة اعطيها راتبها اول باول اذ قدرتي تسوين جمعيه مع الزميلات تراها تحفظ فلوسكم ثم تفك زنقه اذا استلمتيها النت حددي لك ساعات :27: اهم من هذا كله المال الحلال لان الله يطرح فيه البركة والصدقة لو بالقليل القليل نقطه مهمه لازم تتفقين مع الطرف الاخرعلى التوفير عشان ماتنخرع الميزانية:26:

والله مسكت مصروف البيت كم شهر, كان يخلص من اول اسبوع ( 4 الاف ريال) واخر الاسبوع نرجع نشحت ابو العيال.
ولو تشوفون كيف الاعذار , والله استحي اقولها.
مشكلتي انزل بالاسبوع كم مره للسوق واقول برجع هذا وببدل هذا هالمره بس. وفي الاخر ارجع محمله بأغراض مالها داعي.
احنا الحريم مانقدر نوفر انا الحين خليتها معاه ( بعد ماتهاوشنا كم مره) ماشالله عليه والله يستر منه , يوفر من غير مانحس. التوفير شطارررررررررره