اول شي استفيد من (النقوط )وهو مال يوضع للمولود

طبعا من غير اطقم الملابس بعضها استفيد منه بالاستعمال وبعضة اهدية

او اطقم ترامس و عربية اطفال وجلاسة و هندول (المهد )

انا جاني بولدي الاول هدايا مررررة حلوة ذهب لي وفلوس للبيبي حوالي ٧ الالف و٥ جنيهات ذهب
وكرسي طعام غالي استفدت منه وعربية السوق كمان غالية نوع سنتشري
ولبس للبيبي مرررة غالي جاني من فرنسا وخبيته لاول عيد فطر لطفلي
وطقم سرير وستارة لغرفته واحلى هدية جاتني من وحدة مرررة عزيزة على قلبي وكانت مفاجئة لانها كانت برا المملكة عبارة عن مجموعة رضاعات بعلبهم وحافضة موية وطقم مناشف للبيبي ومجموعة حمام للبيبي كانت روعة ونغلفة بطريقة مميزة وعليها مجموعة كبيرة من البلالين المنفوخة بالهيليوم اللي تطير لحالها
وجاني دبدوب صغير ماسك بيده علبة حلوة داخلها جنيه دهب
واكتر هدية مميزة كانت كاميرا فيديو من زوجي العزيز لاني كنت مرررة مشتهية كميرة فيديو حقت الدي في دي
اما في بنوتتي جاتني هدايا اغلبها ذهب وتعاليق وحلق كانت مرررة لزيزة
وفلوس بس مو كتير يمكن ٣٠٠٠
ووحدة جابت دراجة لولدي الكبير وبلوزة لامي وطقم لولو كمان لها وكرسي حلو للبيبي من جد كانت حركة حلوة
ووحدة تانية جابت مجموعة سيارات لولدي الكبير مرة انبسطت على الهدية الحلوة
ووحدة كانت ولدانة قبلي وجابت ولد وجابتلي لبس ولادي والله سعره ٢٠ ريال وانا جايبتلها طقم ذهب ناعم بولدها
انا عد ولادتي ببنتي جاني اكتئاب من الناس واله يا بنات كنت اروح كل ما سمعت وحدة من قرايبي او قرايب زوجي ولادة واخذلها فلوس او ذهب وكانت اغلبها ذهب واضغط على نفسي احيانا اكون بحاجة الفلوس بس اقول الهدية حلوة خليهم يفرحوا والرسول كان يحب الهدية وتهادوا تحابوا
ولما ولدت والله يا بنات بس اتصلوا علي وحمدولي بالسلامة وما شفت وجيههم وقررت انو اللي بجيبلي اجبله واللي يزورني ازوره ومو مستعدة اضغط على نفسي عشان احد انا اهم شي
انا بالعادة اسأل صاحباتي اللي امون عليهم ايش محتاجين لاني ابغى اجيب هدية على كال حال فاجيب شي يستفيدوا منه ويدعولي احسن
دحين يحلموا اني اجيبلهم ذهب لانه الدهب والع والع الله يستر

احسن شيء ينفع الفلوس والا الواحد يشاور امه .. عشان يعرف اللي جاهم من اللي ماجهم ..



والا يختار هدية ماعمرها تختطر على بال الباقين ويكونون في حاجه لها..

للرفع

مشكورين جميعا
ومشكورة نايس سيستر لانك من المدينةةةةةةةة