هلا أم الكتاكيت..

تصدقين ما انتبهت للدمعة لين ما قريت رد سمو الهمة؟؟

تعليقاتي مثلها.. والعين الداخلية يبغيلها شوية لمعة علشان تبين طبيعية..

والجلد شوية ظل وتطلع تماااام..

سمو الهمة سامحيني تراني الخبط ما بينك ومابينها بسبب الصورة الرمزية..

على العموم رسمة الوردة لا يعلى عليها..

حاولت أرسم من قبل بالأداة نفسها بس تبهدلت..

أنا كنت أرسم ورود بنفس الطريقة بس في برنامج ثاني اسمه Painter classic

الحلو في ذاك البرنامج إنه يعطيك الفرش نفس الطبيعية تماماً (زيتي/ مائي/ باستيل.. الخ)

أنا قاعدة الحين أرسم باقة ورد (مرة وحده) ونشوف النتيجة..

وهاذي رسمتي الجديدة..

هاذي تعبتني وايد بسبب الزجاج.. حست يمين ويسار ما ضبط بالشكل اللي أبغيه..

لقيت درس رسم كوب من الزجاج في منتدى أجنبي وحاولت أطبقة..

بس اللي حاط الدرس ما كان يقول شي غير

(حطوا لمعة.. حطوا لمعة زيادة.. زيدوا لمعة ثانية.. حطوا لمعة بعد)

يعني ما استفدت غير شوي منه..



أنا عارفة إن الورد شكله غلط على المزهرية.. بس خلاص مليت من الرسمة

قمت سويت الباقي بسرعة..

ابله فرااشه ماشاااااء الله لاقوة الا بالله ..

ايش الفن هذا والله انك خطيييييييره ..

تصدقين يوم شفت رسمتك بغيت اضف كاستي وعيني واهج .. :o :o

ولا عاد تشوفوني بذا الموضوع بعدها ..:35:

من جد رسمتك خيااااااااال ..

بس تراني ماني ضافه عفشي ..لااااااااااا ابرز فيسي كل شوي هنا .. عشان اتعلم منك يافنانه ..

مهو هم يقولون جاور الغني تغنى .. وجاور السعيد تسعد .. انا ابتلصق بالفنانه عسى ولعل اتفنن :23: :23:

تسسسسلم ايدينك على هيييك ابداااااااااع .. الله لايضرك

:26: :26:

مشكوووووووووووووووره على التشجيع الحلو..

الرسمة فيها مية غلطة وغلطة (مطبعية ولا غير مطبعية)

بس المهم إنها تعجبكم..

وترى الرسم ما هو بصعب..

يعني إذا بغيتي ترسمين ومش عارفة كيف حطي صورة جنبك وارسمي مثلها..

أنا لما عجزت ويا الزجاجة رحت دورت درس فوتوشوب عن رسم الزجاج (أريح بالي)

لا تيأسين.. رسمك حلو وخطوطك متقنة..

بس ركزي على الظل والضوء.. يلعب لعب في الصورة..

بالنسبة لي أستخدم الفرش وتدرجات الألوان..

أحياناً أستخدم اداة التعبئة (للطاولة في الرسمة الأخيرة)

ونادراً ما أستخدم الفلاتر.. يعني أغلب شي Blur

أحاول قدر الإمكان أعتمد على نفسي وأرسم بالفرش العادية بس..

جربي يا وردة وراوينا إنتاجك..

كلنا ابتدينا من الصفر.. وانتي خبرتك في الفوتوشوب ما شاء الله كبيره..