تعالوا نستفيد من بعض جدولك برمضان

انا احس رمضان للي ماعندها شغاله كرف في كرف نخلص من الفطور وغسيل المواعين نجي لتنظيف البيت وغسيل الملابس نخلص منها نجي للعشاء وبعده الكوي ثم نبداء في السحور جهاد الله يكتب الاجر

الف شكر لك اختي سعادتي مع عائلتي

والله ياوخيتي الله يعين دام مافييه شغاله الله يعين على الكرف

لكن مبدئيا سمي بالله وخلي لسانك دايم مشغول بالاستغفاار والتسبييح ما ورااه لا اكل ولا فييك حيل هواش

اذا بتصحين على الظهر صلي واقري صفحه من القران ونظفي البيت الارضيات واللي تقدريين علييه وطلعي لحمتك واغراضك اللي تبغينها تذووب

ريحي شوي بعدها يكون اذن العصر صلي ادخلي حرب المطبخ ادهري صلحي الفطوور واللي بعد الفطور وصلحي العشاء السحوور اذا رز اطبخي اللحمه او الدجاج بس تكبين الزر على اذان المغرب تخلصيين اذا تفرزنين بتلقين وقت تقريين قران


والمواعيين لازم غساله لها ولا الله يعينك بعد التراوييح

والملابس الغساله التوماتييك تخفف من لهم شوي

البلى من المطبخ اللي طبخ ونفخ ولا ينضف ابد بس حاولي تخلصيين كل لطبخ العصر للعشا والسحوور او اقل شئ ابدييه وكملييه فيوقته يخف شوي

والله يعينا ويااك

والله اني اقولك وانا مدري وش بسوي موكله امري لله سبحانه

ولا تنسيين الصغار لا تحقرينهم خليهم يساعدونك لو بغرفهم وصاله جلستهم

والله يبلغنا رمضان وبلغ رمضان فينا ومن نحب

فطوووري خفافي .. ابدى الساعه3ونص واخلص مع الاذان :)
بعد الفطووور اشيل السفره واروح اناظر التلفزيون وبعد العشاء انظف المطبخ وخلص اروح للبيت انظفه واسوي كوول شي والساعه 11اكون فاضيه عاد اسوي اللي ابي الساعه 2ونص اسوي السحور وبعد الفجر انام واقوم 1 الظهر :) هذا جدووولي عاد انا ماعندي غير بنوته توها صغيره ماحسبها بالاكل :)

أنا راح أعطيك فكرة حلوة قالت لي عليها جارتي الله يذكرها بالخير وين ما كانت
- ادعوا لها بالخير -

وهي
انه أطبخ السحور بنفس وقفتي بالمطبخ وقت تجهيز الفطور
- يعني السحور يكون جاهز من العصر-
وبعدين أرفعه بالثلاجه اذا برد وخفت حرارته
وبالليل أسخنه بس

وممكن اذا ما فيك حيل للطبخ من بدري..
فـ أقلّها بس تسلقي اللحمه مثلا من بدري أو الدجاج
أو تقطعي الخضار من العصر
يعني تخففي عليك وقفة المطبخ الثانية اللي بالليل
وزي كده

الحركة هذي راح تريحك مرة وقت السحور

وبما ان ما عندك شغاله
فالأفضل انك كل ما عملتي أكله تنظفي الحوسة اللي صارت وراها

يعني لا تخلي شي بعد الفطور إلا الصحون اللي أكلتو فيها

واغسليها بعد الفطور أو حتى بعد التراويح اذا مافيك حيل
لأن بتكون قليلة اذا انتي منظفة أول بأول

الأكل ممكن تعملي شوربة تكفيكم 3 ايام
وترفعي الزيادة بالثلاجه وتسخني ثامي يوم على قدكم

السمبوسة اعملي كميه وفرزني
وهكذا

الله يبلغنا واياكم رمضان
ويكتبا فيه من عتقائه من النار