صباحكم / مساءكم رضا وطاعات مقبولات إن شاء الله ~
وصباحكم فول و تميس وعسل وقشطة ..
توني مصليتن الفجر و معينة من الله خير
وسهرانة وودي أنوم << قصة حياتس
المهم مدامني قاعدة لا شغلة ولا مشغلة و تخرجت ومدري وش اسوي << تحسونها قاعدة تفضفض ..
قلت خلني أجدع لكم هالمعلومات اللي أشوف نتائجها من خلال
تجارب عملية في حياتنا ، بمعنى أوضح الناس اللي حوالينا كيف مرتبين حياتهم والبعض الآخر حايس عمره ..
لا تقرون موضوعي الا بشرط << بعد تتشرط ..
نرفففففففففع شعار لا للسمنة في بيوتنا وبالتالي مجتمعنا
إلا لأسباب وراثية أو مرضية هذا غير موضوعنا ,,
نبدأ يله امسكوا الطابور :
اللي عندهم عادات يومية مرتبة غذائياً تلاقين أجسامهم رايقة و حلوة ، لا وبعد يلبسون اللي يبون ويليق عليهم ويطلعون كائنات جذابة و حلوة ورشيقة :32:..
واللي يأكلون اللي يشتهونه من كل ما لذ وطاب في كل وقت ومن غير ترتيب و أكل متى ما أبي ولا أمنع نفسي و لا أقول لنفسي ، يتحمل ما يجيه طبعا راح يكون النهاية السمنة وبالتالي كل مشكلة تجر الثانية من اللبس و مرض السكر متوقع الله يعافينا وياكم :06:.
أنا بحط معلومات أنتم تستفيدون منها و أنتم كذلك أبيكم تحطون تجاربكم اللي تحسونها عملية فعلا ونتائجها ظاهرة :)، يعني الموضوع شرااكة بيني وبينكم اكتبوا العادات اللي نسويها وكنها قاعدة مهمة في الحياة وهي في الاصل للأسف خطأ :(.
تدرون وش قصتنا في مجتمعنا ؟ يعني ( حنا ووبزرايننا و أمنا و أبونا وشغالتنا .....إلخ ) << يعني هم ما يعرفون ..
بس شوفي معي هالمعادلة البسيطة
عادات غذاية سيئة + عدم حركة + عدم تنظيم الوقت للأكل = طبيعي راح يصير الجسم عند الغالبية مو عاجبنا..
وعلى العكس من ذلك :
عادات غذاية جيدة أو ممتازة + حركة ومشي + تنظيم لوجبات = بإذن الله راح ينتج جسم مرغوب .
^
وش اللي يقلب موازين ذا المعادلات عاداتنا الحمدلله لازم نكب و الا ما يصير أكل ..
ترا إذا صار قليل مهيب شيء مصيبة و الرسول صلى الله عليه وسلم يقول فيما معنى الحديث
انكم لا تعلمون في أيه البركة ..
هذا هديهِ صلى الله عليه وسلم ..
يتبع ..
العادة اللي طبت أول ههههه ( العادة الأولى ) تصفيييق << ما تستاهل تصفيق لأنها سيئة بس علشان تتشجع وتطب :024:.
نرجع لبعض عاداتنا في البيت :
أنا مو متزوجة بس اللي ألاحظه إنه.....أمممم
لازم مثال مو حقيقي لكن أحداثه واقعية 100%
تجي الأم أو الشغالة يحطون الأكل( الوجبة سواء غدا فطور عشاء ) يتم بلع الأكل بعد ذلك يتفرقون افراد الاسرة اللي يلعب بل ستيشن و اللي على الاب توب واللي مع البلاك بيري كلن متقوقع على نفسه وقاعد لا يتحرك وبعد ساعة ساعتين يطلبون من البقالة شيبسات و شوكلاتات ، ثمن يبتل اليوم حافل بالأشياء الجميلة الطعم (أكيد لأنها مليانة دهن و سكر ) وبدون حركة أو مشي .. ولو قلتي قم يا فلان لا والله وش جايبين الشغالة له يا عيني ع هيك رد بيطير العئل اي والله بيطيره من شينه ،وهذا يرجع لمسألة تربية وتعود إن أوامر الوالدين لازم تنفذ بس لازم حنا بعد يا الوالدين نصير أسلوب تربوي .<< طبت في موضوع ثاني ..
ظنكم وش بيصير لهذا المقطع البسيط لهذ العائلة ..
وش بتصير أجسامهم ؟؟!!
بيطلعون رشيقين مثلا ؟ ما ظنيته ترا يمكن يصيرون رشيقين إذا صاروا من النوع اللي ما يسمن بس راح يضرهم صحيا ..
ترا مو معناها جسمه حلو يعني داخله ما فيه تضرر لا فيه ناس يعانون من كبد و كريسرول من أكلنا الدسم خالتي الله يرحمها كانت نحيفة يوم كشفوا عليها قالوا فيه دهون في كبد مدري بنكرياس من زمان يقوله لها الدكتور يعني شوفوا ما سمنها بس انه جلس وسبب لها مرض الله يعافينا وياكم وكل مسلم .
طرق بعض الأمهات السنعات في تربية عيالها والمحافظة على أجسامهم :
كل واحد له صحن وجزء مقنن لو خلص ما يطلب مرة ثانية والا ما ستفدنا من الصحن << مجربة وشايفة بعيني النتائج .
تنمية حس الرياضة لديهم ولو كان البيت صغير يمديكم تمشون و تدورون لو في غرفة :7_5_127: << مجربة .
علميهم ان الجلوس يسبب لهم التخمة والسمنة ثمن يمرضون يا عمري وهم توهم صغار والا يبلشون بأنفسهم لا الشهية انسدت و لا الجسم استرشق :icon33::(..
عودي طفلك على قم جب وقم عطنا هههههههه لأن ترا هالمشاوير اللي تخلونهم يسوونها تنفع لأنها حركة يمكن ما يرضى يقوم بس الأم الشاطرة تقومه وهو راضي :35: ..
أعرف وحدة مرة رايحين السوق حنا وياها وولدها بادية تجيه السمنة قم يا مصعب جب لنا موية و قم جب لنا عصير قالوا لها حرام عليك قالت لا سامن وخله ينحف الله يخليه لها :biggrinlo..
الأكل برواقة و بهدوء لأن الأكل بسرعه يخلي الواحد يأكل كثير وبالتالي يصير دب :biggthump.
لا تكثرون من الشيبسات و الشوكلاتات وخرابيط التسالي اللي توسع الصدر هذي اللي بين الوجبات تراها خراب للي يأكلونها يوميا :(.. حقيقة مرة أدري بس علشان صحتنا تكرم مدينة هههههههه
حلو الوسط كل كم يوم نجيب لنا كم شيء وكل واحد له جالكسي أو سنكرس أو تويكس << مب كل واحد له واحد مب تزبرون لكل واحد كيسة .
هذي الاشياء تسد الشهية و لاتنفع غذائيا ليه تسد الشهية لأنها دهون تبقى في البطن وبالتالي ما يجوع ولا يطلب أكل ..
تبين تعرفين الدهون وش تسوي اكتبي في قوقل ( خطر الدهون :30:) وتطلع لك بلاوي متلتلة ..
جاء مرة دكتور في التلفزيون في جامعة الملك سعود يقول قلي ماذا تأكل أقل لك من أنت في المستقبل ..
يعني صرت تعشششششق الأكل المقلي وتحبه في المستقبل راح يصير عندك الأمراض اللي تنتج عن الافراط من الدهون .
وتعالوا شوفوا الأكلات اللي فيها زيييت معكم انا تهبل وتجنن بس لو تفكرتوا وش يجي من وراها ما كثرتوا منها ..
وااااو طعمها يجنن ايه يجنن ما اختلفنا بس يسمن ويمرض ..
الشكوى على الله إذا تبين صحتك وجسمك قللي من الدهن قدر المستطاع ..
بعض الناس يحسب بس الدهون ممنوعة على اللي فيه القلب والشرايين و الكولسترول لا ترا حتى انت يا الطيب الصحيح تضرك لا هنت ..