تعالوا نسوي شله.... ونبدأ بتبييض جسمنا

كيفكم بنوتات ؟؟
كل سنه وإنتوا طيبين ان شاء الله ......

انا كل إللي أبغاه أنو تتجمعوا ونكون شله ونبدأ بتنضيف جسمنا بإستخدام نفس الطريقه..
والبداية تكون من 15 شوال إلى 15 القعدة يعني لمدة شهر ....

وطبعا إنتو أكيد بتسألوا كيف ؟؟ وإيش الطريقه ؟؟

أنا رح أقولكم ::
هذا الشهر اعتبريه تجربه وإن شاء الله تكون ناجحه...

المووووهم الخطه عباره عن ...

اولا / عمل خلطة شسالفه يوميا يعني لازم تخصصي بيجامتين أو قمصان قديمه لها ..
واللي متزوجه تسويها لما يكون زوجها مافي ... لكن يوميا يعني يوميا وإلا إذا كان عندك عذر ...( يعني فرح عزومه اختبار اي شي اي شي مع انو الخلطه كأنها كريم ما يحتاج لها تضييع وقت )

ثانيا / عمل تقشير للجسم مره في الأسبوع وطبعا كل وحده تختار التقشير اللي يعجبها

ثالثا / عمل حمام مغربي أو حمام الحليب مره كل اسبوع ..

رابعا / عمل ماسك للوجه مره أو مرتين في الأسبوع

وبسسسسسسسسسس
ورح أشرح كل خطوة بالتفصيل في ردي ..
المووووهم دحين من اليوم ليوم 15 شوفوا نفسكم وعيدوا وأنبسطوا وأرتاحوا من تعب العيد والخرجات والروحات والجيات .. وبعدها يبدأ الشغل بس عاد لازم الألتزام بالقوانين عشان نشوف النتيجه عدل .. واللي تخالف او تخبص تقووووووووول عشان تاخد عقابها هههههههههههههههه ..
ترا حتى انا ممكن اتعاقب عادي الحق حق ...
خلاص بنات فهمتوا ؟؟ اللي تبغى تسجل حياها الله بس بلييييز الألتزام بنفس الخطه عشان نشوف النتايج سويااااااااااا ..

أنتظر ردودكم وتسجيلاتكم بااااااااااااااااااااااي