تعالوا نشجع بعض و نعمل ريجيم صحى2

الواحد تعب من كتر ما بيعمل ريجيم لوحده

و بعدين يزهق و مايلاقيش حد يشجعه

تعالوا نعمل ريجيم مع بعض

انا هكتب ريجيم الاسبوع و نعملوا كلنا مع بعض و بعد ما يخلص نقول لبعض كل واحد خس اد ايه

و ناخد اليوم الفرى و نبتدى ريجيم جديد برده انا هكتبه لغايه ما كل واحد فينا يخس اللى عايزة

و يبقى و احنا فى البيت نشجع بعض و نخس بصحه و عافيه ان شاء الله

اللى عايز يشترك معانا يسيب هنا لقبه و عايز يخس اد ايه



ده الريجيم الأول و هو ريجيم خفيف بينزل من 4 الى 5 كيلو فى الاسبوع

بس أهم حاجه المشى كل يوم مش أقل من 30 دقيقه و صدقونى فى نهايه الاسبوع هتلاقوا تغير ملحوظ فى الشكل و المعده بتصغر فمش بتقدروا تاكلوا كتير

و بعدها هناخد يوم فرى و نبتدى الاسبوع اللى بعده




أولا الافطار



ربع رغيف بلدى + طبق فول صغير 4 ملاعق بدون زيت أو سمن

أو ربع رغيف بلدى + بيضه مسلوقه

أو ربع رغيف بلدى + قطعه جبن قريش 50 جرام


أو 2 ثمرة فاكهه فيما عدا الممنوع من الفواكهه

+كوب شاى بملعقه سكر واحده او شاى بلبن بدون سكر





ملحوظه: مسموح بتناول 2 ملعقه سكر يوميا أو عسل نحل




ثانيا الغداء



النشويات : ربع رغيف بلدى

أو 3 ملاعق ارز

او 3 ملاعق مكرونه



الخضروات : طبق سوتيه

او شوربه خضار و يراعى ان تكون على ماء او شوربه لحم

+ طبق سلطه خضراء بثمرة طماطم واحده اى كميه




اللحوم :1-2 شريحه لحم احمر مسلوق او مشوى 150 جرام

او ربع فرخه مسلوقه او مشويه بدون جلد من الصدر

او 3 سمكات مشويه متوسطه الحجم او تونا مصفاه

و تشطف بالخل و الليمون او 2 بيضه مسلوقه




الفاكهه :ثمرة واحده من اى نوع متوسطه الحجم ماعدا الممنوع من الفواكه



ثالثا العشاء

كوب لبن سبق غليه لنزع الوش و بدون سكر

أو كوب زبادى وسط بدون وش و يمكن اضافه ملعقه رده عليه يمكنك تحميص الرده

أو قطعه جبن قريش + خيار + طماطم ثمرة واحده

أو 2 ثمرة فاكهه متوسطه من اى نوع عدا الممنوع



الممنوعات

يوجد غير المكتوب ممنوع و لكن يجب التركيز فى الممنوعات الاتيه

جميع انواع الحلويات بما فيها اللبان
اللب و الفول السودانى و المكسرات
الشطه و الحوادق و المخللات
القهوه و المياه الغازيه بجميع انواعها
بعض الفواكهه مثل البلح , التيت , الشمام , القصب , المانجو , العنب
اللحوم الدسمه و الكبده و الكلاوى و البسطرمه و اللانشون
القلقاس و الارنبيط و البسله و البطاطس
الخضروات الناشفه مثل الفاصوليا و اللوبيا الناشفه
البقوليات فينا عدا الفول بدون زيت
الحمام , البط, الاوز , الديك الرومى


تعليمات عامة

مراعاة الالتزام بالنظان الغذائى بكل دقه
ممنوع اضافه وجبه سابقه لم تؤكل الى الوجبه التاليه لها
يجب المشى يوميا على الاقل نصف ساعه
مراعاه عدم الشرب وسط الاكل
عند الاحساس بالجوع بين الوجبات يمكنك اكل هذه الاصناف باى كميه
الجزر 2 فقط
الفجل
الجرجير
الخيار
القته بدون قلب
الفلفل الاخضر
الكوسه المسلوقه
البقدونس
الكرات
الخس بدون ورق

اذا اردت الاطلاع على كتابات هذا الكاتب اضغط هنا